Haustráðstefna Advania 2012

Haustráðstefna Advania verður haldin föstudaginn 7. september á Hilton-hótelinu í Reykjavík. Í ár verða um 40 fyrirlestrar í boði á ráðstefnunni á 4 mismunandi þemalínum. Liðlega helmingur fyrirlesara er erlendir sérfræðingar og hátt í eitt þúsund gestir eru væntanlegir.

LYKILRÆÐUR: NEWSWEEK, LSH & FJARÐAÁL

• Björn Zoëga, forstjóra Landspítala-Háskólasjúkrahúss, segir frá nýja spítalanum í Vatnsmýrinni; þessu tækniundri sem verður að mörgu leyti hjarta þekkingariðnaðar í landinu. 
• Janne Sigurðsson, forstjóri Fjarðaáls, greinir frá því hvernig álverið á Reyðarfirði beitir upplýsingatækni á markvissan hátt til að skapa þekkingarver í fremstu röð.    
• Dan Lyons, tækniritstjóri Newsweek, fjallar um byltingu snjallsíma og samfélagsmiðla og áhrif hennar á atvinnulífið.

DAGSKRÁ: 4 ÞEMALÍNUR

Dagskrá Haustráðstefnunnar mun standa yfir frá morgni til kvölds. Þemalínur ráðstefnunnar að þessu sinni eru:

• Sparnaður (hagkvæmar lausnir fyrir stjórnendur)
• Hagnýting (nýjungar í verslun og þjónustu)
• Fróðleikur (aðferðafræði og verkefnastjórnun við allra hæfi) 
• Virkni (bland í poka fyrir kerfisstjóra og forritara)

RÁÐSTEFNA OG LANDSLEIKUR

Fyrsti landsleikur íslenska karlalandsliðsins í knattspyrnu í yfirvofandi undankeppni HM fer fram þetta sama kvöld niðri í Laugardal (skammt frá Hilton), kl. 18:45. Af því tilefni hefur Advania ákveðið að bjóða öllum ráðstefnugestum á leik Íslands og Noregs, strax eftir hefðbundinn hápunkt ráðstefnunnar: sjálft lokahófið.