Advania og UT-messan 2012

Advania er þátttakandi í UT-messunni 2012, sem haldin verður á morgun, fimmtudaginn 9. febrúar. Þessi viðburður er skipulagður af Skýrslutæknifélagi Íslands og skiptist í metnaðarfulla ráðstefnu, sýningu flestra UT-fyrirtækja landsins og fjölbreytta örfyrirlestra um allt milli himins og jarðar.

Tilgangur UT-messunnar er að vekja athygli á mikilvægi upplýsingatækninnar og áhrif hennar á einstaklinga, fyrirtæki og íslenskt samfélag. Markmiðið er að sjá marktæka fjölgun nemenda sem velja sér tæknigreinar sem svið í háskólum landsins. Einnig viljum við tengja upplýsingatæknina betur við skólastarf og atvinnulíf og vekja áhuga almennings á upplýsingatækni og mikilvægi hennar á öllum sviðum daglegs lífs. 

Að UT-messunni stendur Skýrslutæknifélagið (Ský) í samstarfi við Háskólann í Reykjavík, Háskóla Íslands, Microsoft Íslandi og Samtök iðnaðarins (SUT, IGI, SSP).
Allt um UT-messuna er hérna

Ráðstefnan inniheldur þrjár þemalínur og þar eru í boði áhugaverðir fyrirlestrar erlendra og innlendra sérfræðinga. Línurnar þrjár eru fyrir stjórnendur, UT-sérfræðinga í rekstri og hugbúnaðarþróunarfólk.

Smelltu hérna til að kíkja á dagskrá ráðstefnunnar:

Á sýningunni verða öll helstu UT-fyrirtæki landsins með sýningarbása. Opið kl. 8:30 til 21:00. Ókeypis er inná sýningarsvæðið og einnig verða örkynningar í gangi allan seinnipartinn og fram á kvöld fyrir almenning. Tilvalið að skella sér með fjölskylduna einn seinnipart og upplifa UT á Íslandi. Næg bílastæði og auðvelt aðgengi fyrir alla.

Smelltu hérna til að skoða listann yfir sýnendur:

Frá kl. 16:00 til 21:00 er almenningi boðið á örkynningar á sýningarsvæði UTmessunnar. Þessir fyrirlestrar eru ekki nema 10-15 mínútur að lengd og henta öllu áhugafólki um upplýsingatækni.

Smelltu hérna til að forvitnast nánar um dagskrá örkynninga: