Uppselt á Haustráðstefnuna 3ja árið í röð!

Nýjasta nýtt
03.09.2015

Ríflega þúsund manns hafa tilkynnt um þátttöku sína á ráðstefnunni, en það er sami fjöldi og tók þátt í fyrra. Mikil aukning er á erlendum gestum, en þeir eru um 250 talsins í ár. 

Ráðstefna með nýju sniði

Haustráðstefna Advania verður með nýju sniði í ár en fyrir hádegi verður glæsileg dagskrá í Eldborg fyrir alla ráðstefnugesti. Eftir hádegisverð geta ráðstefnugestir valið úr fyrirlestrum á þremur þemalínum sem hver um sig inniheldur sex fyrirlestra: Tækni og öryggi, Nýsköpun og Stjórnun. 

Sú metnaðarfyllsta hingað til

  • Ráðstefnan er sú 21. sem Advania og forverar þess halda, og hefur aldrei verið lagt jafn mikið í dagskránna og núna.  Þetta helst verður á döfinni í Eldborg fyrir hádegi:
  • Geimvísindastofnun Evrópu segir frá því hvernig lent er á halastjörnu
  • Mercedes-Benz lýsir framtíðarsýn sinni fyrir sjálfkeyrandi bíla
  • Stoðtækjafyrirtækið Össur sýnir nýjan gervifót sem er stýrt með hugarafli 
  • Hvað veit Google mikið um okkur og hvernig nýtir fyrirtækið gervigreind til að kenna tölvum máltækni og keyra bíla?
  • Rakel Sölvadóttir frumkvöðull og dóttir hennar Ólína Helga Sverrisdóttir fjalla um mikilvægi sköpunar í stafrænum heimi
  • Jón Tetzchner frumkvöðull ræðir um nýsköpun og nýjan netvafra
  • Glæsileg dagskrá eftir hádegi á þremur línum

Eftir hádegið er getur fólk valið úr 19. fyrirlestrum innlendra og erlendra sérfræðinga, notendum og stjórnendum í upplýsingatæknimálum ýmissa fyrirtækja.   


 


Til baka