Advania innleiðir bankabúnað í nýjum útibúum Arion banka á Keflavíkurflugvelli

Fréttir
16.08.2016

Advania hefur lokið viðamikilli innleiðingu bankalausna í útibúum Arion banka á Keflavíkurflugvelli en bankinn tók nýverið við rekstri bankaþjónustu í flugstöðinni. Verkefnið fól í sér uppsetningu á 13 hraðbönkum og fjórum féþúfum með sérsmíðuðum hugbúnaðarlausnum frá Advania.

„Lausnir Advania eru traustar og við höfum góða reynslu af samstarfi við starfsfólk fyrirtækisins,“ segir Aðalheiður Guðgeirsdóttir, svæðisstjóri Arion banka á Keflavíkurflugvelli. „Uppsetning búnaðarins gekk hratt og örugglega fyrir sig og innleiðingarferlið stóðst væntingar okkar,“ segir Aðalheiður.

Búnaðurinn sem um ræðir kemur frá stórum aðilum á markaði banka- og afgreiðslulausna. NCR er einn stærsti framleiðsluaðili heims þegar kemur að hraðbönkum og Glory sérhæfir sig í framleiðslu tæknilausna og –kerfa sem sýsla með peninga.

„Við höfum átt í samstarfi við birgja okkar svo árum skiptir, enda eru þeir þekktir fyrir að bjóða vandaðar og traustar lausnir fyrir bankaiðnaðinn,“ segir Benedikt Gunnar Ívarsson, forstöðumaður afgreiðslu- og bankalausna hjá Advania. „Við leggjum áherslu á að vera í samstarfi við trausta aðila sem framleiða áreiðanlegan búnað og NCR er gott dæmi um slíkt fyrirtæki. Hér á landi eru dæmi um hraðbanka frá þeim sem hafa verið í notkun í meira en 20 ár,“ segir Benedikt.

Mikill undirbúningur lá að baki uppsetningu útibúanna og gekk innleiðingin vel, enda var bankaþjónusta á Keflavíkurflugvelli komin í gang innan við klukkustund eftir að fyrri þjónustuaðili lokaði útibúum sínum í flugstöðinni. Verkefnið var margar vikur í undirbúningi og alls komu 19 starfsmenn Advania að innleiðingunni.

„Svona verkefni eru margslungin og snúast um svo miklu meira en bara að stinga búnaðinum í samband,“ segir Benedikt. „Það þarf að gæta þess að öll virkni búnaðarins sé í samræmi við óskir viðskiptavinarins og í þessu verkefni þurfti meðal annars að ráðast í gerð sérsmíðaðra hugbúnaðarlausna sem gera búnaðinum kleift að tengjast öðrum kerfum bankans,“ segir Benedikt.

„Góður undirbúningur algjört lykilatriði í verkefnum sem þessu og okkar fólk var vel samstillt í gegnum allt ferlið,“ segir Ægir Már Þórisson, forstjóri Advania á Íslandi. „Það er virkilega ánægjulegt að horfa til baka og sjá hve vel samstarfið með Arion banka gekk,“ segir Ægir Már.


Allar fréttir

19. 

júlí  

2018

Íslenskir neytendur taka sjálfsafgreiðslulausnum vel

Jákvæð svörun neytenda við nýjum sjálfsafgreiðslulausnum í matvöruverslunum á Ísland, leiddi til þess að Advania hlaut nýsköpunverðalaun frá NCR á dögunum.

Lesa

16. 

júlí  

2018

Advania hlýtur þjónustuvottun frá Cisco

Advania á Íslandi hlaut nýlega vottun frá netbúnaðarbirgjanum Cisco fyrir að veita framúrskarandi sérfræðiþjónustu við lausnir frá Cisco. Vottunin nefnist Cloud and Managed Services Partner Master (CMSP) og er veitt þeim samstarfsaðilum Cisco sem uppfylla ströng skilyrði.

Lesa

11. 

júlí  

2018

Öflugri upplýsingatækni hjá Kynnisferðum

Kynnisferðir hafa falið Advania að hýsa og reka upplýsingakerfi fyrirtækisins. Mæta á þörfum viðskiptavina Kynnisferða enn betur með efldri upplýsingatækni.

Lesa