Advania viðurkenndur söluaðili á Chromebook

Fréttir
07.12.2016

Guðmundur Steinar Zebitz, vörustjóri notendalausna og Ægir Már Þórisson, forstjóri Advania á Íslandi tóku á móti Chromebook tölvunum.

 

Chromebook fartölvur er nú hægt að kaupa hjá Advania en fyrirtækið var nýlega samþykkt af Google sem viðurkenndur dreifingar- og söluaðili á Íslandi. Til að fá slíka heimild þurfa fyrirtæki að uppfylla strangar kröfur af hálfu Google en auk þeirra verður starfssvæði fyrirtækisins að vera á lista yfir lönd sem hafa heimild til að selja tæknibúnað fyrirtækisins. Íslendingar geta nú nálgast einfaldar en öflugar Chromebook fartölvur frá Dell í öllum verslunum Advania.

Það sem gerir Chromebook vélarnar ólíkar hefðbundnum fartölvum er að þær keyra á skýjalausnum sem þýðir að öll vinnsla og geymsla gagna fer fram í skýjaumhverfi. Google hefur sérhæft sig í smíði skýjalausna og er G Suite heildstæð hugbúnaðarlausn fyrir fyrirtæki en auk þess er hægt að fá útgáfu sem er sérsniðin að þörfum menntastofnana, G Suite for Education.

Advania er Google partner og býður nú heildarlausnir á sviði Google lausna.

„Þetta er mikill fengur fyrir innlendan markað og ljóst að margir aðilar munu njóta góðs af því að hafa breiðara vöruúrval þegar kemur að fartölvum“ segir Ægir Már Þórisson, forstjóri Advania á Íslandi. „Chromebook tölvur henta sérstaklega þeim sem vilja ódýrar fartölvur fyrir vinnslu í skýjaumhverfi. Þær hafa verið sérstaklega vinsælar hjá skóla- og menntastofnunum um heim allan vegna þess hve einfaldar og notendavænar þær eru. Við höfum þegar afgreitt Árskóla á Sauðárkróki um slíkar tölvur sem voru framleiddar af Dell og erum afar ánægð að heyra um árangurinn sem þar hefur náðst með snjallri beitingu á tækni“.

Smelltu hér til að skoða Chromebook í vefverslun Advania


Allar fréttir
Mynd með frétt

19. 

júlí  

2018

Íslenskir neytendur taka sjálfsafgreiðslulausnum vel

Jákvæð svörun neytenda við nýjum sjálfsafgreiðslulausnum í matvöruverslunum á Ísland, leiddi til þess að Advania hlaut nýsköpunverðalaun frá NCR á dögunum.

Lesa

16. 

júlí  

2018

Advania hlýtur þjónustuvottun frá Cisco

Advania á Íslandi hlaut nýlega vottun frá netbúnaðarbirgjanum Cisco fyrir að veita framúrskarandi sérfræðiþjónustu við lausnir frá Cisco. Vottunin nefnist Cloud and Managed Services Partner Master (CMSP) og er veitt þeim samstarfsaðilum Cisco sem uppfylla ströng skilyrði.

Lesa

11. 

júlí  

2018

Öflugri upplýsingatækni hjá Kynnisferðum

Kynnisferðir hafa falið Advania að hýsa og reka upplýsingakerfi fyrirtækisins. Mæta á þörfum viðskiptavina Kynnisferða enn betur með efldri upplýsingatækni.

Lesa