Kvika semur við Advania

Fréttir
21.12.2016
Kvika banki hf. hefur endurnýjað samstarfssamning við Advania um heildarþjónustu við rekstur og hýsingu tölvukerfa Kviku. Samningurinn er einstakur að því leyti að hann felur í sér viðamikla útvistun á sviði upplýsingatækni. 

Advania hefur síðustu árin hýst og rekið miðlæg upplýsingakerfi Kviku og tæknilega grunnviði, ásamt tengdum hugbúnaði og öryggislausnum hvað snertir gagnaleiðir og tengingar. Jafnframt hefur Advania veitt bankanum ýmsa þjónustu og ráðgjöf á sviði upplýsingatækni. 

Finnur Þór Erlingsson, forstöðumaður upplýsingatæknisviðs Kviku segir samninginn tryggja félaginu öryggi og sveigjanleika í rekstri upplýsingakerfa. „það er mjög mikilvægt fyrir Kviku að hafa trausta samstarfsaðila sem uppfylla öryggiskröfur okkar sem banka. Með útvistun náum við auknum sveigjanleika sem skilar sér í hagkvæmari rekstri.“ 

Kvika hefur á síðustu árum náð eftirtektarverðum árangri í því að einfalda og hagræða í rekstri upplýsingakerfa sinna. Kvika hefur náð að byggja upp bæði nútímalegt og öruggt upplýsingakerfi samhliða því að huga að hagkvæmni í rekstri. 

„Advania hefur um árabil fjárfest markvisst í aðstöðu, búnaði og þekkingu á sviði rekstrar- og hýsingarþjónustu. Samningurinn við Kviku er gott dæmi um að viðskiptavinir okkar kunna vel að meta þessa þjónustu og er það afar ánægjulegt“ segir Ægir Már Þórisson, forstjóri Advania á íslandi. 
  

Á myndinni frá vinstri til hægri eru; Laufey Jörgensdóttir, Advania, Finnur Þór Erlingsson, Kviku, Eyjólfur Magnús Kristinsson, Advania, Magnús Ingi Einarsson, Kviku, Védís Sigurjónsdóttir, Advania. 


Allar fréttir
Mynd með frétt

19. 

júlí  

2018

Íslenskir neytendur taka sjálfsafgreiðslulausnum vel

Jákvæð svörun neytenda við nýjum sjálfsafgreiðslulausnum í matvöruverslunum á Ísland, leiddi til þess að Advania hlaut nýsköpunverðalaun frá NCR á dögunum.

Lesa

16. 

júlí  

2018

Advania hlýtur þjónustuvottun frá Cisco

Advania á Íslandi hlaut nýlega vottun frá netbúnaðarbirgjanum Cisco fyrir að veita framúrskarandi sérfræðiþjónustu við lausnir frá Cisco. Vottunin nefnist Cloud and Managed Services Partner Master (CMSP) og er veitt þeim samstarfsaðilum Cisco sem uppfylla ströng skilyrði.

Lesa

11. 

júlí  

2018

Öflugri upplýsingatækni hjá Kynnisferðum

Kynnisferðir hafa falið Advania að hýsa og reka upplýsingakerfi fyrirtækisins. Mæta á þörfum viðskiptavina Kynnisferða enn betur með efldri upplýsingatækni.

Lesa