Advania hlýtur elleftu gullvottunina frá Microsoft

Fréttir
12.01.2018

Advania á Íslandi hlaut fyrir skömmu elleftu gullvottunina frá Microsoft fyrir framúrskarandi þjónustu og sérfræðiþekkingu á Microsoft-lausnum. Gullvottun er hæsta einkunn sem Microsoft gefur samstarfs- og þjónustuaðilum á tilteknum sérfræðisviðum.

Hjá Advania á Íslandi starfa 120 Microsoft-sérfræðingar. Þeir hafa lokið stöðluðum alþjóðlegum Microsoft-prófum og hafa sérhæft sig í lausnum frá Microsoft. Á bak við hverja gullvottun Advania eru að minnsta kosti fjórir Microsoft-sérfræðingar og góðar umsagnir frá um það bil fimm viðskiptavinum.

„Microsoft er einn af okkar allra mikilvægustu samstarfsaðilum. Þess vegna er ánægjulegt að hljóta gæðastimpil sem sýnir að viðskiptavinir geta treyst Advania til að veita heildstæða þjónustu í einu og öllu sem viðkemur Microsoft. Það er einnig gaman að segja frá því að fyrir skömmu fengu félagar okkar hjá Advania í Svíþjóð sína tíundu gullvottun, þannig að það er enginn skortur á Microsoft-sérfræðingum hjá okkur,“ segir Ægir Már Þórisson, forstjóri Advania á Íslandi.

„Við veitum ekki bara leyfaráðgjöf, heldur alla þá tæknilegu aðstoð sem fólk þarf vegna Microsoft-lausna. Við getum séð um reksturinn og hýst umhverfið. Með þessum viðurkenningum er Advania í fararbroddi samstarfsaðila Microsoft á Norðurlöndunum og þótt víðar væri leitað,“ segir Sigurður Friðrik Pétursson, vörustjóri Microsoft hjá Advania.

Advania hefur unnið sér inn gullvottanir fyrir eftirfarandi þjónustusvið:

• Application Development
• Cloud Platform
• Cloud Productivity
• Collaboration and Content
• Communications
• Data Platform
• Datacenter
• Enterprise Resource Planning
• Messaging
• Small and Midmarket Cloud Solutions
• Windows and Devices

Allar fréttir
Mynd með frétt

20. 

september  

2018

Uppselt á Haustráðstefnu Advania

Miðar á Haustráðstefnu Advania seldust upp í dag. Er þetta stærsta og umfangsmesta Haustráðstefna Advania til þessa en hún verður nú haldin í 24. sinn.

Lesa

10. 

september  

2018

Stemning á haustfögnuði Vertonet

Fullt var út úr dyrum á fyrsta viðburði Vertonet, hagsmunasamtaka kvenna í upplýsingatækni sem fram fór í húsakynnum Advania á dögunum. Á annað hundrað konur mættu á haustfögnuð til að efla tengslanetið og lyfta sér upp.

Lesa

7. 

september  

2018

Anna Björk nýr framkvæmdastjóri hjá Advania

Anna Björk Bjarnadóttir hefur verið ráðin framkvæmdastjóri ráðgjafar og sérlausna hjá Advania. Hún mun stýra sókn félagsins í ráðgjöf til viðskiptavina um stafræna umbreytingu.

Lesa