Tæknilausn gegn launamisrétti

Fréttir
07.03.2018
Advania hefur þróað lausn til að auðvelda fyrirtækjum í landinu að útrýma kynbundnum launamun og lúta lögum um Jafnlaunavottun.

Eftir að Alþingi samþykkti lög um Jafnlaunavottun þurfa öll fyrirtæki og stofnanir með fleiri en 25 starfsmenn til að uppfylla ákveðnar kröfur. Útbúinn hefur verið samræmdur staðall, ÍST 85, um það sem fyrirtækin þurfa að gera til að hljóta vottunina. Stærstu vinnustaðirnir þurfa að hafa öðlast vottun árið 2018 en smærri fyrirtæki fá aðeins lengri tíma til að aðlagast breyttu lagaumhverfi. Fyrirtækin sem ekki uppfylla skilyrðin eiga á hættu að verða sektuð.

Advania hefur þróað lausn sem auðveldar fyrirtækjum vinnuna við að útrýma kynbundnum launamun og uppfylla kröfur um launajafnréttlæti. Lausnin kallast easyEQUALPAY og felst í ráðgjöf og hugbúnaði með innri úttektum og launavöktun. Hún er meðal annars viðbót í mannauðskerfinu H3 sem þegar er notað af stórum hluta íslenskra fyrirtækja. Kerfið heldur utanum ráðningamál og launakjör starfsmanna og getur nú á auðveldan hátt tekið út þær upplýsingar sem krafist er til að fá jafnlaunavottun. Með lausninni geta fyrirtækin verið viss um að uppgötva kynbundnar skekkjur við launaákvarðanir og unnið sér svigrúm til að leiðrétta þær.

Þrátt fyrir að Ísland skari fram úr í jafnréttismálum á heimsvísu er ekki þar með sagt að í hér ríki algjört jafnrétti. Opinberar mælingar sýna að enn hallar á konur á vinnumarkaði og enn er óútskýrður kynbundinn launamunur 7-18% bæði á frjálsum markaði og hjá hinu opinbera.

„Við hjá Advania erum stolt af lausn sem styður við mikilvæga löggjöf til aukins jafnréttis á vinnumarkaði,“ segir Ægir Már Þórisson, forstjóri Advania.

Mynd: Ægir Már Þórisson, forstjóri Advania.

Allar fréttir
Mynd með frétt

Landsbjörg fær tölvu sem má fara í uppþvottavél

Advania færði Landsbjörgu eina sterkustu tölvu sem hægt er að finna á landinu, til að nota í björgunarstarfi sínu.

Lesa

Með eina æðstu gráðu frá Cisco

Einn af netkerfasérfræðingum Advania, Steinn Örvar Bjarnarson, lauk nýlega stífu námi og hlaut eina æðstu gráðu sem hægt er að fá frá Cisco. Sérþekking Steins Örvars nýtist sérstaklega í bilanagreiningu, ráðgjöf og gæðamati á netkerfum.

Lesa

Er þín vefverslun tilbúin fyrir jólin?

Að mörgu er að huga í vefverslun á háanna tíma. Það þarf að hlúa að vefverslunum af sömu natni og hefðbundnum verslunarrýmum, framsetning þarf að vera góð og skilmálar skýrir.

Lesa