Advania í liði með Styrktarfélagi lamaðra og fatlaðra

Fréttir
26.03.2018

Advania styrkir Styrktarfélag lamaðra og fatlaðra með ýmiskonar tækniþjónustu og gætir gætir þess að vel sé staðið að öryggismálum við vinnslu gagna félagsins.
Styrktarfélagið hefur verið starfandi frá 1952 og hefur frá upphafi verið frumkvöðull í þjónustu við fötluð börn og ungmenni. Meginmarkið félagsins er að stuðla að aukinni orku, starfshæfni og velferð fólks með fötlun, og þá sérstaklega barna. Félagið er með þjónustusamning við ríkið um þá heilbrigðisþjónustu sem þar fer fram. Öll uppbygging á aðstöðu og þróun Æfingastöðvarinnar er í höndum félagsins sem hefur notið velvilja og fjárstuðnings frá einstaklingum, félagasamtökum og fyrirtækjum.
Advania hefur um árabil verið samstarfsaðili SLF í upplýsingatækni og tók nýverið ákvörðun um áframhaldandi stuðning við félagið. Stuðningurinn er fólginn í því að SLF mun njóta aðstoðar Advania við sín tæknimál og getur því haldið áfram að einbeita sér að sínu góða starfi í heilbrigðis- og félagsþjónustu. Advania mun reka og hýsa upplýsingakerfi SLF og færa þau nær nútímanum með uppfærslu í Office 365 skýjalausnina frá Microsoft.

Á myndinni eru þeir Helgi Hinriksson verkefnastjóri rekstrarlausna Advania, Vilmundur Gíslason framkvæmdastjóri Styrktarfélags lamaðra og fatlaðra og Sveinn Júlían Sveinsson viðskiptastjóri hjá Advania.



Allar fréttir
Mynd með frétt

Landsbjörg fær tölvu sem má fara í uppþvottavél

Advania færði Landsbjörgu eina sterkustu tölvu sem hægt er að finna á landinu, til að nota í björgunarstarfi sínu.

Lesa

Með eina æðstu gráðu frá Cisco

Einn af netkerfasérfræðingum Advania, Steinn Örvar Bjarnarson, lauk nýlega stífu námi og hlaut eina æðstu gráðu sem hægt er að fá frá Cisco. Sérþekking Steins Örvars nýtist sérstaklega í bilanagreiningu, ráðgjöf og gæðamati á netkerfum.

Lesa

Er þín vefverslun tilbúin fyrir jólin?

Að mörgu er að huga í vefverslun á háanna tíma. Það þarf að hlúa að vefverslunum af sömu natni og hefðbundnum verslunarrýmum, framsetning þarf að vera góð og skilmálar skýrir.

Lesa