Advania verður bakhjarl KSÍ

Fréttir
26.04.2018
Guðni Bergsson formaður Knattspyrnusambands Íslands og Ægir Már Þórisson forstjóri Advania, undirrituðu í dag rafrænan samning um að Advania verði einn sex af bakhjörlum KSÍ. Advania og KSÍ hafa átt náið samstarf í mörg ár og með bakhjarlasamningnum er stefnt að enn meiri samvinnu næstu þrjú árin.

Advania hefur smíðað nýja heimasíðu fyrir KSÍ sem opnuð var á dögunum en þar hefur aðgengi að tölfræðiupplýsingum úr gagnagrunni KSÍ verið stórbætt. Advania hefur einnig smíðað nýtt og öflugt mótakerfi með yfirliti yfir mótaupplýsingar allra fótboltaiðkenda í landinu sem aðgengilegt er á vefnum.
Spennandi og annasamir tímar eru framundan hjá Knattspyrnusambandinu, meðal annars vegna þátttöku A-landsliðs karla á heimsmeistaramótinu í Rússlandi. Advania vill auðvelda úrlausn á þeim fjölmörgu flóknu tæknimálum sem Knattspyrnusambandið stendur frammi fyrir og gera því kleift að einbeita sér að sínu sérsviði, fótbolta. Landsliðið í upplýsingatækni ætlar veita sambandinu framúrskarandi þjónustu og sjá til þess að tæknimálin gangi vel.

„Við erum stolt af því að stíga af fullum þunga inn í verkefnin með Knattspyrnusambandinu og efla það með bættri upplýsingatækni. Það er sönn ánægja að geta stutt við starfsemi okkar færustu knattspyrnuiðkenda í karla- og kvennalandsliðunum. Ekki síst fögnum við því að stuðningurinn nýtist til að efla grasrótarstarfið sem unnið er um allt land. Upplýsingatæknin verður sífellt mikilvægari í starfsemi aðildarfélaga KSÍ og við vonumst til að okkar stuðningur auðveldi þeim verkin,“ segir Ægir Már Þórisson forstjóri Advania.

„Við höfum átt farsælt samstarf við Advania í gegnum tíðina og erum ánægð með að geta styrkt samstarfið enn frekar. Fótboltinn kallar á sífellt meiri upplýsingatækni, í þjálfun, mótshaldi og umstangi við ferðalög iðkenda. Það er ómetanlegt að hafa aðgengi að öflugu fagfólki í þessum efnum,“ segir Guðni Bergsson formaður Knattspyrnusambands Íslands.

Mynd: Guðni Bergsson formaður KSÍ og Ægir Már Þórisson forstjóri Advania.


Allar fréttir
Mynd með frétt

Landsbjörg fær tölvu sem má fara í uppþvottavél

Advania færði Landsbjörgu eina sterkustu tölvu sem hægt er að finna á landinu, til að nota í björgunarstarfi sínu.

Lesa

Með eina æðstu gráðu frá Cisco

Einn af netkerfasérfræðingum Advania, Steinn Örvar Bjarnarson, lauk nýlega stífu námi og hlaut eina æðstu gráðu sem hægt er að fá frá Cisco. Sérþekking Steins Örvars nýtist sérstaklega í bilanagreiningu, ráðgjöf og gæðamati á netkerfum.

Lesa

Er þín vefverslun tilbúin fyrir jólin?

Að mörgu er að huga í vefverslun á háanna tíma. Það þarf að hlúa að vefverslunum af sömu natni og hefðbundnum verslunarrýmum, framsetning þarf að vera góð og skilmálar skýrir.

Lesa