Ný persónuverndarstefna Advania

Í dag tekur í gildi ný reglugerð um persónuvernd víða í Evrópu sem á að skerpa á réttindum einstaklinga gagnvart þeim sem sýsla með persónuupplýsingar. Reglugerðin er kölluð GDPR (General Data Protection Regulation) og markar tímamót í sögu persónuverndar. Hún staðfestir að sá grundvallarréttur sem felst í vernd persónupplýsinga, verði tryggður fyrir alla.

Á Íslandi mun reglugerðin taka gildi í gegnum EES-samninginn og ný lög um persónuvernd sem bíða meðferðar á Alþingi. Af þessu tilefni birtum við nýja persónuverndarstefnu Advania.

Advania hefur ávallt tekið hlutverk sitt sem vörsluaðili gagna alvarlega og staðið vörð um öryggi gagna sem viðskiptavinir treysta félaginu fyrir. Við höfum verið með ISO 27001 vottun í 9 ár og erum því í sterkri stöðu til að mæta auknum kröfum um öryggi persónuupplýsinga. Við höfum nýlega endurnýjað ISO 27001 vottun félagsins í stjórnun upplýsingaöryggis. Það er lykilatriði til að uppfylla nýjar kröfur sem gerðar eru til vinnsluaðila gagna.


TIL BAKA Í EFNISVEITU