Stemning á haustfögnuði Vertonet

Fréttir
10.09.2018

Fullt var út úr dyrum á fyrsta viðburði Vertonet, hagsmunasamtaka kvenna í upplýsingatækni sem fram fór í húsakynnum Advania á dögunum. Á annað hundrað konur mættu á haustfögnuð til að efla tengslanetið og lyfta sér upp.

Vertonet-samtökin voru stofnuð í vor með það að leiðarljósi að að vinda ofan af kynjahallanum sem ríkir í greininni og vekja áhuga kvenna á fjölbreyttu störfum í upplýsingatækni. Á haustfögnuðinum sköpuðust sjóðheitar samræður um leiðir til að bæta stöðuna.

Reyndar konur úr geiranum komu fram og sögðu frá sinni sýn og hugmyndum, við glymjandi undirtektir. Meðal annars sagði framkvæmdastjóri Viðskiptaráðs Íslands, Ásta S. Fjelsted, frá því hvernig er að starfa í karllægum geira og hvernig tæknimenntun nýtist konum í atvinnulífinu. Þá sagði fyrrum fótboltalandsliðskonan Eva Sóley Guðbjörnsdóttir frá sinni reynslu af stjórnun og liðsheild í tæknigeiranum en hún er framkvæmdastjóri þjónustu og reksturs hjá Advania.

Vertonet og bakhjarlar samtakanna hafa sett saman fjölbreytta aðgerðaráætlun og viðburðaríka dagskrá á næstum mánuðum þar sem konum í geiranum gefst færi á að kynnast betur. Hugmyndir Vertonet ríma vel við markmið og stefnu Advania um að auka veg kvenna í starfsstéttinni.



Allar fréttir
Mynd með frétt

Myndir með frétt

Forritarar Advania í hlutverk hakkara

Forritarar Advania brugðu sér í hlutverk hakkara í dag og tóku þátt í hakkaþoni á vegum Syndis. Markmiðið var að þjálfa forritarana í að koma auga á algeng forritunarmistök.

Lesa

Fjölmenn heimsókn FKA-kvenna

Fjölmennt var í fyrirtækjaheimsókn FKA sem fór fram í húsakynnum Advania á dögunum. Um 50 konur mættu á staðinn.

Lesa

Vegna fyrirhugaðra kaupa Advania á Wise Lausnum ehf

Advania og Wise sendu Samkeppniseftirlitinu tilkynningu um samruna félaganna fyrir nokkru. Wise er öflugur söluaðili á Microsoft Dynamics NAV fjárhagshugbúnaði bæði hér á landi og erlendis. Hjá Advania, líkt og hjá Wise, starfa fjölmargir sérfræðingar í Microsoft Dynamics NAV. Líkt og hjá Wise er um að ræða viðskiptavini bæði innanlands og utan. Við samruna félaganna tveggja yrði til eining sem gæti betur mætt síaukinni og harðnandi alþjóðlegri samkeppni um fjárhagshugbúnað.

Lesa