50 ára óeigingjarnt starf MS-félagsins

Fréttir
10.10.2018

Advania óskar MS félaginu til hamingju með 50 ára starf. Félagið hefur alla tíð unnið ötullega að velferð þeirra sem glíma við MS-sjúkdóminn.

Markmið félagsins er að veita stuðning og stuðla að öflugri félags- og fræðslustarfsemi. Félagið hefur verið málsvari félagsmanna gagnvart hinu opinbera.
Helsti hvatamaður að stofnun MS-félags Íslands var Kjartan R. Guðmundsson yfirlæknir á taugasjúkdómadeild Landspítalans en hann var lengi vel sá maður á landinu sem bjó yfir mestri þekkingu á sjúkdómnum.
Frá því félagið var stofnað 20.september 1968 hefur það áorkað mörgu sem gjörbreytt hefur aðstæðum þeirra sem greinast með MS. Helst ber að nefna byggingu MS-hússins við Sléttuveg þar sem starfsemi félagsins er að finna; skrifstofu, dagvist og endurhæfingu. Félagið hefur notið velvildar og fjárhagslegra styrkja frá góðgerðarfélögum, almenningi og opinberum aðilum en einu föstu tekjur félagsins eru félagsgjöld.
Advania óskar félaginu til hamingju með hálfrar aldar óeigingjarnt starf og færir því að gjöf DELL skjá fyrir fundarherbergi MS-Félagsins. Ægir Már Þórisson forstjóri Advania afhenti Ingdísi Líndal framkvæmdastjóra og Björg Ástu Þórðardóttur formanni MS-Félagsins, skjáinn á dögunum.



Allar fréttir
Mynd með frétt

Landsbjörg fær tölvu sem má fara í uppþvottavél

Advania færði Landsbjörgu eina sterkustu tölvu sem hægt er að finna á landinu, til að nota í björgunarstarfi sínu.

Lesa

Með eina æðstu gráðu frá Cisco

Einn af netkerfasérfræðingum Advania, Steinn Örvar Bjarnarson, lauk nýlega stífu námi og hlaut eina æðstu gráðu sem hægt er að fá frá Cisco. Sérþekking Steins Örvars nýtist sérstaklega í bilanagreiningu, ráðgjöf og gæðamati á netkerfum.

Lesa

Er þín vefverslun tilbúin fyrir jólin?

Að mörgu er að huga í vefverslun á háanna tíma. Það þarf að hlúa að vefverslunum af sömu natni og hefðbundnum verslunarrýmum, framsetning þarf að vera góð og skilmálar skýrir.

Lesa