Rafrænar kosningar spara tugi milljóna hjá ASÍ

Fréttir
29.10.2018

Rafrænt kosningakerfi sem ASÍ hefur þróað í samvinnu við Advania hefur sparað tugi milljóna króna og stóraukið lýðræðið innan sambandsins.

„Rafræna kerfið leysir meðal annars af hólmi dýrar bréfsendingar með kjörseðlum og umslögum sem áður voru sendar til félagsmanna. Allt umstang við sjálfar kosningarnar verður miklu ódýrara og einfaldara. Það er ekkert launungamál að þetta rafræna kosningakerfi hefur sparað sambandinu tugi milljóna króna. Það er þróað til að standast ýtrustu kröfur um leynd og persónuvernd. Við erum mjög sátt við framkvæmdina,“ segir Magnús M. Norðdahl deildastjóri lögfræðideildar ASÍ.

Fleiri hafa notað kosningakerfið sem upprunalega var þróað með ASÍ, meðal annars VR, Þjóðkirkjan, Sjómannafélagið, lífeyrissjóðir, Flugvirkjafélag Íslands og Neytendasamtökin. Fjölmennustu kosningarnar sem hafa verið framkvæmdar með rafræna kerfinu var kosning um Salek-samkomulagið þar sem 80 þúsund voru á kjörskrá. Í stjórnarkjöri VR voru um 30 þúsund á kjörskrá.

Rafræn kosning hefur þann augljósa kost að styrkja lýðræðið þar sem fleiri eiga þess kost að greiða atkvæði rafrænt en að mæta á kjörstað. „Þegar kosningaframkvæmdin verður svona einföld er hægt að halda fleiri kosningar og bera fleiri mál undir þá sem eru á kjörskrá. Búseta er engin hindrun í rarfænum kosningum og þær geta staðið yfir í lengri tíma en kjörstaðir geta yfirleitt verið opinir. Kosningakerfið eykur öryggi í kosningum þar sem atkvæðum eru dulkóðuð og talning er nákvæmari og tekur styttri tíma,“ segir Sigurður Másson deildarstjóri hugbúnaðalausna Advania.



Allar fréttir
Mynd með frétt

Landsbjörg fær tölvu sem má fara í uppþvottavél

Advania færði Landsbjörgu eina sterkustu tölvu sem hægt er að finna á landinu, til að nota í björgunarstarfi sínu.

Lesa

Með eina æðstu gráðu frá Cisco

Einn af netkerfasérfræðingum Advania, Steinn Örvar Bjarnarson, lauk nýlega stífu námi og hlaut eina æðstu gráðu sem hægt er að fá frá Cisco. Sérþekking Steins Örvars nýtist sérstaklega í bilanagreiningu, ráðgjöf og gæðamati á netkerfum.

Lesa

Er þín vefverslun tilbúin fyrir jólin?

Að mörgu er að huga í vefverslun á háanna tíma. Það þarf að hlúa að vefverslunum af sömu natni og hefðbundnum verslunarrýmum, framsetning þarf að vera góð og skilmálar skýrir.

Lesa