Upplýsingatækni Reykjalundar efld

Fréttir
30.10.2018

Advania hefur tekið að sér rekstur og hýsingu upplýsingakerfa Reykjalundar. Kerfin eru nú vöktuð allan sólarhringinn og upplýsingaöryggi hefur verið eflt til muna.

Öll upplýsingakerfi Reykjalundar hafa nú verið flutt í gagnaver Advania þar sem þau eru keyrð á öflugum búnaði. Því fylgir að sérfræðingar Advania vakta kerfin allan sólarhringinn og tryggja uppitíma þeirra. Um 200 starfsmenn Reykjalundar fá nú tölvuaðstoð frá sérfræðingum Advania.

Upplýsingaöryggi hefur verið eflt enda þarf Reykjalundur að standast ýtrustu kröfur um persónuvernd. Starfsmenn Reykjalundar eiga í samskiptum við stofnanir á borð við Landlækni og Sjúkratryggingar um sjúklinga og því þarf öryggi gagna að vera með besta móti.

Nettengingar við Reykjalund hafa verið stækkaðar og netöryggið eflt. Þá verður Advania ráðgefandi í tæknilegri framþróun Reykjalundar.

„Mikill vöxtur hefur verið í alrekstrarþjónustu Advania á undanförnu ári þar sem sífellt fleiri fyrirtæki sjá hag sinn í því að fela sérfræðingum Advania að annast upplýsingatæknimál sín. Advania hefur fjárfest umtalsvert í uppbyggingu á þjónustukerfum og viðskiptavinir okkar njóta ávinningsins af því með hagkvæmara og öruggara rekstrarumhverfi fyrir sín tölvukerfi,“ segir Sigurður Sæberg Þorsteinsson framkvæmdastjóri rekstrarlausna Advania.



Allar fréttir
Mynd með frétt

Ný nálgun á ráðningar

Advania og 50skills vinna saman að nýrri nálgun á ráðningar og virkjun nýrra starfsmanna á vinnustöðum.

Lesa

Eins og innbrot á heimilið

Það var ekki laust við að stjórnendum Arctic Trucks hafi brugðið þegar þeir uppgötvuðu að svikahrappar höfðu stolið nærri 40 milljónum króna af erlendum viðskipavini fyrirtækisins á dögunum.

Lesa

Einar og Jón Brynjar í framkvæmdastjórn Advania

Einar Þórarinsson og Jón Brynjar Ólafsson hafa verið ráðnir framkvæmdastjórar hjá Advania. Breytingar hafa verið gerðar á skipulagi fyrirtækisins sem miða að því að efla félagið enn frekar sem þjónustufyrirtæki í upplýsingatækni.

Lesa