Advania hlaut markaðsverðlaun DELL EMC

Fréttir
02.11.2018


Advania hlaut markaðsverðlaun Dell EMC sem veitt voru á alþjóðlegri ráðstefnu samstarfsaðila DELL í Noregi á dögunum. Advania hlaut einnig tilnefningu sem Partner of the Year og Growth Partner of the Year.

Markaðsverðlaunin voru veitt fyrir margþætt og fræðandi kynningarstarf meðal annars á samfélags- og umhverfismálum DELL sem kallast The Legacy of Good. DELL er eitt stærsta tæknifyrirtæki í heimi og hefur einsett sér að útrýma vistsporum fyrirtækisins og hlúa betur að umhverfinu. Ítarlega áætlun um hvernig fyrirtækið ætlar að ná settum markmiðum sínum fyrir árið 2020 má lesa hér.
Þar er því nákvæmlega útlistað hvernig fyrirtækinu gengur að feta sig í áttina.

„Dell og Advania á Íslandi hafa verið í góðu samstarfi í 25 ár. Markaðsstarf og þjónustuleiðir við viðskiptavini hafa breyst mikið á þessum tíma. Í sölu og markaðsstarfi hafa DELL og Advania lagt mikla áherslu á stafræna miðla. Ný vefverslun var opnuð á liðnu ári sérstaklega sniðin að þörfum fyrirtækja. Henni hefur verið vel tekið af okkar viðskiptavinum sem að nýta sér nýjustu tækni við pöntun á tölvubúnaði. Verðlaunin eru okkur mikil hvatning til þess að halda áfram góðu starfi til ávinnings fyrir viðskiptavini okkar,“ segir Sesselía Birgisdóttir markaðsstjóri Advania.


Allar fréttir
Mynd með frétt

Forritarar Advania í hlutverk hakkara

Forritarar Advania brugðu sér í hlutverk hakkara í dag og tóku þátt í hakkaþoni á vegum Syndis. Markmiðið var að þjálfa forritarana í að koma auga á algeng forritunarmistök.

Lesa

Fjölmenn heimsókn FKA-kvenna

Fjölmennt var í fyrirtækjaheimsókn FKA sem fór fram í húsakynnum Advania á dögunum. Um 50 konur mættu á staðinn.

Lesa

Vegna fyrirhugaðra kaupa Advania á Wise Lausnum ehf

Advania og Wise sendu Samkeppniseftirlitinu tilkynningu um samruna félaganna fyrir nokkru. Wise er öflugur söluaðili á Microsoft Dynamics NAV fjárhagshugbúnaði bæði hér á landi og erlendis. Hjá Advania, líkt og hjá Wise, starfa fjölmargir sérfræðingar í Microsoft Dynamics NAV. Líkt og hjá Wise er um að ræða viðskiptavini bæði innanlands og utan. Við samruna félaganna tveggja yrði til eining sem gæti betur mætt síaukinni og harðnandi alþjóðlegri samkeppni um fjárhagshugbúnað.

Lesa