Með eina æðstu gráðu frá Cisco

Fréttir
04.12.2018

Einn af netkerfasérfræðingum Advania, Steinn Örvar Bjarnarson, lauk nýlega stífu námi og hlaut eina æðstu gráðu sem hægt er að fá frá Cisco. Sérþekking Steins Örvars nýtist sérstaklega í bilanagreiningu, ráðgjöf og gæðamati á netkerfum.

Við hjá Advania fögnum því að Steinn Örvar hafi öðlast CCIE R&S-gráðu en hún stendur fyrir Cisco Certified Internetworking Expert Routing and Switching. Þekking Steins nýtist vel í netdeild Advania sem rekur og hýsir netkerfi fjölmargra fyrirtækja og stofananna.

Cisco er leiðandi í netbúnaði og netöryggislausnum í heiminum og býður uppá ýmiskonar nám fyrir sérfræðinga á þessu sviði. Steinn Örvar er aðeins 27 ára gamall og sá yngsti á landinu til að öðlast CCIE R&S vottunina. Hann er annar starfsmaður Advania með slíka vottun. Nú er hann kominn í hópi 10-15 sérfræðinga á landinu sem öðlast hafa þessa vottun.

Rekstur netkerfa er að verða mörgum fyrirtækjum ofviða. Sífellt stærri hluti starfsemi þeirra er að færast upp í skýið og samhliða því aukast kröfur um stöðugan uppitíma og öryggi netkerfa. Þar af leiðandi hefur gríðarlegur vöxtur orðið í þeim hluta þjónustu Advania sem snýr að rekstri, hýsingu, vöktun og ráðgjöf á netkerfum fyrirtækja

Netdeild Advania hefur fjórfaldast á tveimur árum og skipar nú um 20 tæknimenn og sérfræðinga sem annast sólarhringsvöktun á kerfum fjölmargra fyrirtækja. „Oftast eru það öryggismálin sem verða fyrirtækjum svolítið ofviða. Við erum í síþróandi tækniumhverfi þar sem hætturnar sem steðjuðu að okkur fyrir tveimur árum eru alls ekki þær sömu og í dag. Öryggisráðstafanir úreldast hratt og því getur það verið fyrirtækjum nauðsynlegt að hafa öflugan hóp sérfræðinga til að tryggja uppitíma og öryggi sinna kerfa,“ segir Steinn Örvar.



Allar fréttir
Mynd með frétt

Ný nálgun á ráðningar

Advania og 50skills vinna saman að nýrri nálgun á ráðningar og virkjun nýrra starfsmanna á vinnustöðum.

Lesa

Eins og innbrot á heimilið

Það var ekki laust við að stjórnendum Arctic Trucks hafi brugðið þegar þeir uppgötvuðu að svikahrappar höfðu stolið nærri 40 milljónum króna af erlendum viðskipavini fyrirtækisins á dögunum.

Lesa

Einar og Jón Brynjar í framkvæmdastjórn Advania

Einar Þórarinsson og Jón Brynjar Ólafsson hafa verið ráðnir framkvæmdastjórar hjá Advania. Breytingar hafa verið gerðar á skipulagi fyrirtækisins sem miða að því að efla félagið enn frekar sem þjónustufyrirtæki í upplýsingatækni.

Lesa