Sjálfsafgreiðsla í Skagfirðingabúð

Fréttir
19.12.2018

Kaupfélag Skagfirðinga hyggst bjóða viðskiptavinum þann valkost að afgreiða sig sjálfir í Skagfirðingabúð. „Við höfum verið mjög lengi í verslunarrekstri og viljum fylgja tækninni,“ segir Marteinn Jónsson framkvæmdastjóri verslunar- og þjónustusviðs.

Kaupfélag Skagfirðinga hefur ákveðið á að setja upp sjálfsafgreiðslukassa sem valkost í dagvöruversluninni Skagfirðingabúð á Sauðárkróki. Mannaðir afgreiðslukassar verða áfram í versluninni. „Þegar við vorum að huga að nýju afgreiðslukerfi fyrir verslanir okkar ákváðum við að heimsækja fjölda verslana hér á landi og erlendis og kanna hver framtíðarmúsíkin væri í þessum efnum. Á endanum ákváðum við að taka upp afgreiðslukerfi frá Advania og setja upp sjálfsafgreiðslukassa sem valkost fyrir þá sem vilja. Markmiðið er að þeir losi um raðir á álagstímum svo sem í hádeginu og seinnipart dags. Með þessu breytist hlutverk afgreiðslufólks og það öðlast nýtt og fjölbreyttara hlutverk. Það getur varið tíma sínum í að þjónusta viðskiptavini, fylla á vörur og hlúa að versluninni,“ segir Marteinn.

Sjálfsafgreiðsla hefur fest sig í sessi í íslenskum verslunum á örskömmum tíma. Á nokkrum mánuðum hafa allar stærstu matvöruverslunarkeðjur landsins stigið það skref að bjóða sjálfsafgreiðslu sem valkost í verslunum sínum. Neytendur hafa tekið þessum afgreiðslumáta vel og verið óhræddir við að prófa.

Kaupfélag Skagfirðinga rekur byggingavöruverslun, bílabúð og þrjár dagvöruverslanir í Skagafirði. Sjálfsafgreiðslubúnaðurinn var settur upp í Skagfirðingabúð í nóvember og fer vel af stað. Hann er framleiddur af NCR sem er leiðandi á heimsmarkaði í afgreiðslulausnum. Advania þjónustar afgreiðslukerfið en það er þaulprófað um allan heim og afar notendavænt.

„Kaupfélag Skagfirðinga hefur verið mjög lengi í verslunarrekstri. Við viljum fylgja tækninni í þessu eins og öðru sem við erum í. Við ætlum hinsvegar að byrja hægt og prófa okkur áfram. Við viljum vera framsækin og hugsa til langs tíma,“ segir Marteinn.

Á myndinni er Árni Kristinsson verslunarstjóri Skagfirðingabúðar og Marteinn Jónsson framkvæmdastjóri verslunar- og þjónustusviðs Kaupfélags Skagfirðinga.


Allar fréttir
Mynd með frétt

Forritarar Advania í hlutverk hakkara

Forritarar Advania brugðu sér í hlutverk hakkara í dag og tóku þátt í hakkaþoni á vegum Syndis. Markmiðið var að þjálfa forritarana í að koma auga á algeng forritunarmistök.

Lesa

Fjölmenn heimsókn FKA-kvenna

Fjölmennt var í fyrirtækjaheimsókn FKA sem fór fram í húsakynnum Advania á dögunum. Um 50 konur mættu á staðinn.

Lesa

Vegna fyrirhugaðra kaupa Advania á Wise Lausnum ehf

Advania og Wise sendu Samkeppniseftirlitinu tilkynningu um samruna félaganna fyrir nokkru. Wise er öflugur söluaðili á Microsoft Dynamics NAV fjárhagshugbúnaði bæði hér á landi og erlendis. Hjá Advania, líkt og hjá Wise, starfa fjölmargir sérfræðingar í Microsoft Dynamics NAV. Líkt og hjá Wise er um að ræða viðskiptavini bæði innanlands og utan. Við samruna félaganna tveggja yrði til eining sem gæti betur mætt síaukinni og harðnandi alþjóðlegri samkeppni um fjárhagshugbúnað.

Lesa