Advania bruggar nördabjór

Fréttir
21.12.2018
Forstjóri Advania og fjölmennt lið tölvunörda í bjórklúbb fyrirtækisins brugga tvö þúsund lítra af bjór yfir hátíðirnar. Fjórða uppskera af Ölgjörva verður borinn á borð fyrir viðskiptavini og starfsfólk Advania á nýjársgleði fyrirtækisins í janúar.

Starfsfólk Advania elskar  að sökkva sér djúpt ofan í hlutina, hvort sem er í leik eða starfi. Hjá fyrirtækinu starfar stór hópur tölvunörda sem deilir ástríðu fyrir góðum bjór. Þeir hafa starfrækt bjórklúbb í áraraðir þar sem forstjórinn, Ægir Már Þórisson, tekur virkan þátt ásamt tvö hundruð starfsmönnum. Klúbburinn bruggar bjór fyrir helstu skemmtanir fyrirtækisins svo sem árshátíð, októberfest og jólahlaðborð.

Á dögunum kom bjórklúbbur Advania af stað framleiðslu á tvenns konar bjór. Fjórðu uppskeru af Ölgjörva sem er session IPA bjór og bruggaður í samstarfi við Kex og humluðu fölöli sem bruggað er í samstarfi við Malbik. Starfsmenn Advania voru með í ferlinu frá hugmynd að þróun uppskriftar og tóku þátt í sjálfri framleiðslunni. Í ár verður Ölgjörvi meðal annars til sölu á KEX.

Ægir Már segir bjórklúbb fyrirtækisins hverfast um áhuga á jákvæðri bjórmenningu, matarpörun og sjaldgæfum blærigðum bjórs. Klúbburinn standi fyrir tveimur til þremur viðburðum í mánuði og stúderi afbrigði og bragðtegundir af ákefð.

Á myndinni eru bruggararnir Ásgeir Freyr Kristinsson hugbúnaðarsérfræðingur, Ægir Már Þórisson forstjóri Advania og Hákon Róbert Jónsson verkefnastjóri hjá Advania.


Allar fréttir
Mynd með frétt

Forritarar Advania í hlutverk hakkara

Forritarar Advania brugðu sér í hlutverk hakkara í dag og tóku þátt í hakkaþoni á vegum Syndis. Markmiðið var að þjálfa forritarana í að koma auga á algeng forritunarmistök.

Lesa

Fjölmenn heimsókn FKA-kvenna

Fjölmennt var í fyrirtækjaheimsókn FKA sem fór fram í húsakynnum Advania á dögunum. Um 50 konur mættu á staðinn.

Lesa

Vegna fyrirhugaðra kaupa Advania á Wise Lausnum ehf

Advania og Wise sendu Samkeppniseftirlitinu tilkynningu um samruna félaganna fyrir nokkru. Wise er öflugur söluaðili á Microsoft Dynamics NAV fjárhagshugbúnaði bæði hér á landi og erlendis. Hjá Advania, líkt og hjá Wise, starfa fjölmargir sérfræðingar í Microsoft Dynamics NAV. Líkt og hjá Wise er um að ræða viðskiptavini bæði innanlands og utan. Við samruna félaganna tveggja yrði til eining sem gæti betur mætt síaukinni og harðnandi alþjóðlegri samkeppni um fjárhagshugbúnað.

Lesa