Advania færir út kvíarnar til Finnlands

Fréttir
07.01.2019

Advania hefur keypt finnska félagið Vintor sem býður sérhæfðar stafrænar samskiptalausnir. Með kaupunum hefur Advania starfsemi í Finnlandi og styrkir stöðu sína á Norðurlöndum.

Hjá Vintor starfa 20 sérfræðingar. Meðal viðskiptavina Vintor eru rótgróin alþjóðleg fyrirtæki á borð við Adidas, Securitas, KONE, Konecranes, Kemira og Fazer.

Með kaupunum á Vintor hefst starfsemi Advania í Finnlandi. Advania hyggst bjóða fjölbreytt lausnaúrval sitt þar í landi og stefnir á frekari vöxt.
Vintor hefur þróað samskiptalausnir sem gera fyrirtækjum kleift að eiga skilvirk samskipti við viðskiptavini, birgja eða starfsfólk. Lausnirnar halda utanum samskiptasögu á öllum mögulegum miðlum svo sem á samfélagsmiðlum, vefspjalli og tölvupósti. Lausnaframboð Advania á sviði samskipta og þjónustu verður enn breiðara með kaupunum á Vintor.

„Advania stígur sín fyrstu skref inn á finnskan markað með kaupunum á Vintor og leggur grunn að frekari starfsemi í Finnlandi. Félagið verður því starfandi á öllum Norðurlöndum. Bæði Advania og Vintor hafa á að skipa sérfræðingum á sviði samskiptalausna sem meðal annars eru notaðar í þjónustuverum íslenskra fyrirtækja. Það er því mikill fengur fyrir Advania að fá inn 20 nýja sérfræðinga á sviði samskiptalausna og þjónustuupplifunar,“ segir Ægir Már Þórisson forstjóri Advania á Íslandi.

Ægir Már Þórisson, forstjóri Advania á Íslandi.

„Við sjáum gríðarleg tækifæri í samrunanum við Advania. Fyrirtækið okkar, Vintor, er afar sérhæft og í harðnandi samkeppnisumhverfi njótum við góðs af stærð og styrk Advania. Við hlökkum til að að verða hluti af öflugri heild með breitt þjónustuframboð,“ segir Sami Grönberg forstjóri Vintor.


Allar fréttir
Mynd með frétt

Forritarar Advania í hlutverk hakkara

Forritarar Advania brugðu sér í hlutverk hakkara í dag og tóku þátt í hakkaþoni á vegum Syndis. Markmiðið var að þjálfa forritarana í að koma auga á algeng forritunarmistök.

Lesa

Fjölmenn heimsókn FKA-kvenna

Fjölmennt var í fyrirtækjaheimsókn FKA sem fór fram í húsakynnum Advania á dögunum. Um 50 konur mættu á staðinn.

Lesa

Vegna fyrirhugaðra kaupa Advania á Wise Lausnum ehf

Advania og Wise sendu Samkeppniseftirlitinu tilkynningu um samruna félaganna fyrir nokkru. Wise er öflugur söluaðili á Microsoft Dynamics NAV fjárhagshugbúnaði bæði hér á landi og erlendis. Hjá Advania, líkt og hjá Wise, starfa fjölmargir sérfræðingar í Microsoft Dynamics NAV. Líkt og hjá Wise er um að ræða viðskiptavini bæði innanlands og utan. Við samruna félaganna tveggja yrði til eining sem gæti betur mætt síaukinni og harðnandi alþjóðlegri samkeppni um fjárhagshugbúnað.

Lesa