Ný nálgun á ráðningar

Fréttir
19.02.2019

Advania og 50skills vinna saman að nýrri nálgun á ráðningar og virkjun nýrra starfsmanna á vinnustöðum.

Advania og 50skills hafa gert samstarfssamning um að efla þjónustu á sviði ráðninga á Íslandi. 50skills er hugbúnaður sem einfaldar tímafrekustu og flóknustu þætti við ráðningar. Advania annast sölu á 50skills á Íslandi, samþættingu hugbúnaðarins við önnur kerfi og þjónustar notendur með stuðningi frá 50skills.

Að sögn Kristjáns Kristjánssonar framkvæmdastjóra 50skills eru ráðningar að breytast og nauðsynlegt sé fyrir íslensk fyrirtæki og stofnanir að fylgja þróuninni. Samfélagsmiðlar verði sífellt mikilvægari þegar auglýst er eftir starfsfólki. Samskiptatól á borð við Slack og Workplace frá Facebook gegni stóru hlutverki í leitinni að rétta fólkinu.

„50skills hefur fengið frábærar móttökur á síðustu misserum en hugbúnaðarlausnir okkar hjálpa nú viðskiptavinum með hundruði ráðninga í hverjum mánuði. Með samstarfinu við Advania getum við þjónustað fleiri fyrirtæki og stofnanir en jafnframt haldið áfram þróunarstarfi okkar á ráðningarlausnum,” segir Kristján.

„Við hjá Advania teljum að með samstarfinu við 50skills getum við þjónustað fyrirtæki betur í að takast á við þær áskoranir sem þau standa frammi fyrir allt frá ráðningu til starfsloka starfsmanns. Náið samstarf Advania og 50skills mun tryggja góða þjónustu til vaxandi hóps vinnustaða sem vilja nálgast ráðningar á nútímalegri hátt,” segir Margrét Gunnlaugsdóttir forstöðumaður mannauðslausna Advania.

„Samstarf okkar við 50skills er í anda þeirrar þjónustu sem Advania veitir fyrirtækjum. Í stað þess að finna upp hjólið og smíða allar lausnir frá grunni, veljum við bestu lausnirnar á markaðnum og samþættum þær þannig að þær mæti síbreytilegum kröfum viðskiptavina okkar,” segir Ægir Már Þórisson forstjóri Advania.

Á myndinni eru þau Kristján Kristjánsson framkvæmdastjóri 50skills, Ægir Már Þórisson forstjóri Advania og Margrét Gunnlaugsdóttir forstöðumaður mannauðslausna Advania.



Allar fréttir
Mynd með frétt

Forritarar Advania í hlutverk hakkara

Forritarar Advania brugðu sér í hlutverk hakkara í dag og tóku þátt í hakkaþoni á vegum Syndis. Markmiðið var að þjálfa forritarana í að koma auga á algeng forritunarmistök.

Lesa

Fjölmenn heimsókn FKA-kvenna

Fjölmennt var í fyrirtækjaheimsókn FKA sem fór fram í húsakynnum Advania á dögunum. Um 50 konur mættu á staðinn.

Lesa

Vegna fyrirhugaðra kaupa Advania á Wise Lausnum ehf

Advania og Wise sendu Samkeppniseftirlitinu tilkynningu um samruna félaganna fyrir nokkru. Wise er öflugur söluaðili á Microsoft Dynamics NAV fjárhagshugbúnaði bæði hér á landi og erlendis. Hjá Advania, líkt og hjá Wise, starfa fjölmargir sérfræðingar í Microsoft Dynamics NAV. Líkt og hjá Wise er um að ræða viðskiptavini bæði innanlands og utan. Við samruna félaganna tveggja yrði til eining sem gæti betur mætt síaukinni og harðnandi alþjóðlegri samkeppni um fjárhagshugbúnað.

Lesa