Hrafnhildur Sif forstöðumaður hjá Advania

Fréttir
11.03.2019

Hrafnhildur Sif Sverrisdóttir hefur verið ráðin forstöðumaður veflausna Advania.


Hún hefur starfað hjá Advania og forverum fyrirtækisins í tæp 13 ár og gengdi síðast starfi deildarstjóra viðmótslausna og hönnunar á veflausnasviði.

Áður starfaði Hrafnhildur Sif sem verkefnastjóri hjá Árvakri, D3 og þar á undan sem kortagerðasérfræðingur hjá Landmati og verkfræðistofunni Hnit.

Hrafnhildur hefur lokið meistaranámi í verkefnastjórnun frá Háskólanum í Reykjavík og í landakortagerð frá þýska tækniháskólanum í Karlsruhe.

Veflausnasvið Advania er sívaxandi hluti af starfsemi fyrirtækisins. Sérfræðingar á sviðinu veita ráðgjöf um alla þætti stafrænna lausna og þar býr mikil þekking á þarfagreiningum, viðmótshönnun, grafískri hönnun og markaðstólum. Veflausnasvið sér meðal annars um að forrita sérlausnir, innri vefi, vefverslanir og þjónustugáttir.

„Það felst mikið öryggi í því að geta sótt reynslumikinn stjórnanda eins og Hrafnhildi til að leiða veflausnasvið Advania. Að fá stjórnanda sem kemur inn svo að segja hlaupandi er mikill kostur þar sem allt er á fleygiferð í hinum stafræna heimi um þessar mundir,“ segir Anna Björk Bjarnadóttir, framkvæmdastjóri ráðgjafar og sérlausna hjá Advania.

Allar fréttir
Mynd með frétt

Forritarar Advania í hlutverk hakkara

Forritarar Advania brugðu sér í hlutverk hakkara í dag og tóku þátt í hakkaþoni á vegum Syndis. Markmiðið var að þjálfa forritarana í að koma auga á algeng forritunarmistök.

Lesa

Fjölmenn heimsókn FKA-kvenna

Fjölmennt var í fyrirtækjaheimsókn FKA sem fór fram í húsakynnum Advania á dögunum. Um 50 konur mættu á staðinn.

Lesa

Vegna fyrirhugaðra kaupa Advania á Wise Lausnum ehf

Advania og Wise sendu Samkeppniseftirlitinu tilkynningu um samruna félaganna fyrir nokkru. Wise er öflugur söluaðili á Microsoft Dynamics NAV fjárhagshugbúnaði bæði hér á landi og erlendis. Hjá Advania, líkt og hjá Wise, starfa fjölmargir sérfræðingar í Microsoft Dynamics NAV. Líkt og hjá Wise er um að ræða viðskiptavini bæði innanlands og utan. Við samruna félaganna tveggja yrði til eining sem gæti betur mætt síaukinni og harðnandi alþjóðlegri samkeppni um fjárhagshugbúnað.

Lesa