Samtök íslenskra gagnavera stofnuð

Samtök íslenskra gagnavera (DCI) voru formlega stofnuð innan Samtaka iðnaðarins

Samtök íslenskra gagnavera (DCI) voru formlega stofnuð innan Samtaka iðnaðarins föstudaginn 2. mars síðast liðinn.

Markmið samtakanna er að standa vörð um hagsmuni gagnavera á Íslandi. Mikil vaxtatækifæri felast innan greinarinnar verði henni tryggð samkeppnishæf starfsskilyrði. DCI munu því vinna að því að gagnaveraiðnaður fái tækifæri til að vaxa og dafna hérlendis.

Hina nýju stjórn DCI skipa þau, Kolbeinn Einarsson hjá Advania, stjórnarformaður og meðstjórnendur eru Isaac Kato hjá Vern Holdings ehf. og Ágúst Einarsson hjá Nýherja.