Öll erum við mannleg og öll gerum við mistök. Þetta vita því miður margir sem svindla á fyrirtækjum og einstaklingum. Flest netsvindl má rekja til mannlegra mistaka og yfirsjónar fólks á einföldum öryggisatriðum. Við erum flest sek um að drýgja öryggissyndir. Með einföldum heilræðum má fyrirbyggja mikið tjón.
Eru lykilorðin þín geymd á öruggum stað? Notar þú kannski sama lykilorðið á mörgum stöðum?
Ertu vakandi fyrir svikapóstum og smáskilaboðum eða trúir þú öllu sem þú færð sent?
Hvar geymir þú aðgangskóðann að vinnunni? Í símanum þínum kannski? Er hann nokkuð límdur á aðgangskortið sjálft?
Hummar þú fram af þér að uppfæra tölvuna eða símann? Er það góð hugmynd?
Svikapóstar (e. phising) geta verið mjög sannfærandi og með hverjum deginum verður erfiðara að greina þá frá raunverulegum skilaboðum. Algengt er að svikapóstar innihaldi sýkta hlekki en einnig færist í aukana að svikarar þykist vera aðrir en þeir eru.
Gefðu þér smá stund til að skoða skilaboð áður en þú smellir á hlekki eða gefur upp upplýsingar.
Hvernig í ósköpunum á ég að muna öll þessi númer? Á debetkortinu, kreditkortinu, aðgangskóðann í vinnunni. Ég er ekki vélmenni sko... Ég vista þau bara símanum mínum og kalla þau eitthvað sniðugt. Það fattar þetta enginn!
Geymdu númerin á öruggum stað
Tölvan biður mig stöðugt um að uppfæra hitt og þetta. Ég sem er með 35 flipa opna og fimm tölvupósta í drafts. Ég má ekki vera að því að uppfæra og endurræsa með allt í gangi.
Flestar uppfærslur hafa þann tilgang að girða fyrir öryggisgalla sem hafa uppgötvast í hugbúnaði. Með því að geyma eða sleppa uppfærslu ertu að skilja dyrnar eftir opnar fyrir allsskonar óværum.
Ef þú notar sama lykilorðið á mörgum stöðum þarf aðeins einn gagnaleka til að öðlast aðgang að öllu sem þú gerir á netinu. Að geyma lykilorð í vafra getur verið hættulegt. Mikið er til af öflugum hugbúnaði sem getur stolið lykilorðum sem vistuð eru í vafranum þínum.
Og mundu; einföld lykilorð bjóða hættunni heim. Vetur22 eða Erla123 eru ekki góð lykilorð.
Lykilorðasarpar búa til lykilorð og vista þau fyrir þig. Það er því engin ástæða til að nota sama lykilorðið á mörgum stöðum eða vista þau á óöruggum stað.
Stjórnendasvik (CEO fraud) og fyrirmælafalsanir (Business Email Compromise) eru meðal útbreiddustu svika um þessar mundir. Þá eru atlögur gerðar að starfsfólki fyrirtækja eftir mikla undirbúningsvinnu svikana við að kanna bakgrunn fyrirtækisins og falsa trúverðug fyrirmæli í nafni stjórnenda.
Ransomware-árásir verða sífellt algengari. Þegar óprúttnir aðilar komast yfir aðgang að gögnunum þínum, nota þeir tækifærið til að dulkóða gögnin og krefjast svo lausnargjalds til að aflétta dulkóðuninni. Tölvupóstar eru gjarnan leiðir slíkra árása. Því er mjög brýnt að vera með sérstakar tölvupóstvarnir.
Með sífjölgandi vefþjónustum og kerfum sem fólk notar daglega, reynist fólki erfiðara að halda utanum öll lykilorðin. Hætta er á að sama lykilorð sé notað í öll kerfi. Leki eða tölvuárás á einn þjónustuaðila getur því leitt af sér að óprúttnir aðilar komist yfir aðgangsorð að fleiri þjónustum. Einfalt er að auka öryggi til muna með marglaga auðkenningum. Advania býður fjölda öruggra auðkenningalausna.
Advania Vitund er safn af stuttum netöryggisnámskeiðum sem eru ekki bara mikilvæg, heldur líka þrælskemmtileg. Námskeiðin snúa að ýmsum mikilvægum atriðum sem tengjast netöryggi.
Sendu okkur fyrirspurn og við höfum samband um hæl.