Blogg - 6. mars 2026
Stóru markmiði náð fimm árum á undan áætlun
Ásta Maack
verkefnastjóri sjálfbærni og umbóta hjá Advania
Advania á Íslandi hefur nú náð SBTi: Scope 3 losunarmarkmiðinu. SBTi (Science Based Targets initiative) er alþjóðlegt viðmið sem hjálpar fyrirtækjum að setja raunhæf losunarmarkmið byggð á loftslagsvísindum, í takt við 1,5°C markmið Parísarsamkomulagsins.
Advania setti sér slík markmið árið 2021, um að draga úr losun á Íslandi fyrir árið 2030. Markmiðin voru yfirfarin og staðfest af SBTi, sem tryggir að við séum að draga úr losun á gagnsæjan og samanburðarhæfan hátt, en ekki með merkingarlausum orðum.
Við settum okkur tvö markmið fram til 2030:
- Draga úr losun gróðurhúsalofttegunda um 50% í Scope 1 + 2
- Draga úr losun gróðurhúsalofttegunda um 52% í Scope 3
Samkvæmt útreikningum í febrúar, höfum við náð markmiðinu okkar um að draga úr losun gróðurhúsalofttegunda um 65% í Scope 3. Þetta sýnir að við náðum markmiðinu okkar fimm árum á undan áætlun og drógum margfalt meira úr losuninni en við héldum mögulegt.