Minni rekstraráhætta, meiri sveigjanleiki og lægri kostnaður

Starfsemin hefur vaxið jafnt og þétt frá árinu 1996

Olíudreifing hf. var stofnuð árið 1996 til að annast dreifingu og birgðahald eldsneytis fyrir eigendur sína. Frá fyrsta degi hefur starfsemin vaxið jafnt og þétt og sinnir félagið í dag dreifingu alls fljótandi eldsneytis á Íslandi, að flugvöllum undanskildum.

Í dag starfa um 130 manns hjá fyrirtækinu við fjölbreytt verkefni í þjónustu við eldsneytissala, viðskiptavini og samstarfsaðila. Félagið rekur birgðastöðvar víðs vegar um landið með samtals 350 milljóna lítra geymslurými, auk umfangsmikils flota tankbíla og annarra farartækja. Jafnframt sér fyrirtækið sjálft um viðhald og uppbyggingu tæknibúnaðar með eigin verkstæðum.

Áskorunin

Olíudreifing hafði árum saman byggt rekstur sinn á Concorde bókhaldskerfi sem á tæpum þremur áratugum hafði þróast úr hefðbundnu fjárhagskerfi yfir í að verða sjálft hjarta starfseminnar. Kerfið hélt utan um stóran hluta daglegra ferla, samþættinga og sérsniðinna lausna.

Þótt kerfið hefði þjónað fyrirtækinu vel varð sífellt skýrara að það væri ekki sjálfbær grunnur til framtíðar. Með tímanum höfðu sérsmíðar safnast upp og kerfið orðið bæði flókið og erfitt í viðhaldi. Hver breyting eða uppfærsla fól í sér aukna áhættu.

Fyrir fyrirtæki þar sem reksturinn byggir á nákvæmni, rekjanleika og stöðugu upplýsingaflæði var ljóst að þörf var á meira en nýju kerfi. Endurnýja þurfti sjálfan grunninn undir rekstrinum án þess að trufla daglega starfsemi.

Lausnin

Til að byggja upp traustan grunn til framtíðar var ákveðið að innleiða Business Central í skýinu ásamt Power Platform og Dataverse sem nýjan tæknilegan grunn.

Í stað þess að flytja eldri sérsmíðar yfir óbreyttar var farið í að endurhanna lykilferla með nútímatækni og sjálfvirknivæðingu að leiðarljósi.

Lausnin fól meðal annars í sér innleiðingu á 64 Power Automate flæðum sem tóku við af eldri sérsmíðuðum ferlum og bættu sjálfvirkni verulega. Jafnframt voru þróuð sérhæfð Power Apps fyrir lykilstarfsemi sem einfaldaði daglega vinnu starfsfólks og bætti aðgengi að upplýsingum. Samhliða því voru 11 gagnalindir tengdar inn í Dataverse og sjö lykilkerfi sameinuð í eina heildstæða rekstrarlausn. Með Power BI mælaborðum fékk fyrirtækið jafnframt rauntímayfirsýn yfir lykiltölur og rekstur.

Stóra áskorunin var að skipta út hjartanu í rekstrinum án þess að stoppa fyrirtækið og það tókst.

Árni Gunnarsson, framkvæmdastjóri

Niðurstöður og árangur

Innleiðingin skilaði Olíudreifingu auknum stöðugleika og meiri sveigjanleika en eldri tæknigrunnur gat boðið upp á.

Með því að færa sérsmíðaða ferla yfir í Power Platform minnkaði rekstraráhætta verulega og fyrirtækið fékk nýtt og traust rekstrarhjarta sem styður betur við umfangsmikla starfsemi og mikilvæga lykilferla.

Á sama tíma varð Business Central mun einfaldara í rekstri þar sem hægt var að halda grunnkerfinu nánast óbreyttu. Það gerir uppfærslur bæði hraðari og öruggari, auk þess sem fyrirtækið nýtur ávinnings af nýjustu virkni og öryggisuppfærslum.

Einn stærsti ávinningurinn hefur verið aukinn hraði og sveigjanleiki í þróun. Ferlar sem áður voru bundnir í flóknum sérsmíðuðum lausnum er nú hægt að þróa og uppfæra á mun skemmri tíma.

Jafnframt hefur dregið úr tækniskuld og viðhaldsþörf. Með staðlaðra og vel skjalfestu umhverfi hefur reksturinn orðið einfaldari og fyrirtækið byggt upp sterkan grunn fyrir áframhaldandi þróun og vöxt.

Viltu minnka tækniskuldina og byggja sterkari grunn fyrir framtíðina?

Hafðu samband og við skoðum næstu skref saman.

Kynntu þér Dynamics 365 Business Central