Blogg - DD.02.YYYY
Fimm ráð fyrir foreldra á tækniöld
Það er krefjandi að vera foreldri á tækniöld og margt sem þarf að huga að.
Það er krefjandi að vera foreldri á tækniöld og margt sem þarf að huga að. Foreldrar kvarta gjarnan yfir því að það sé erfitt að átta sig á hvað börn og unglingar eru að gera á samfélagsmiðlum, snjallsímum og tölvum. Jafnframt hafa þeir réttmætar áhyggjur af dökku hliðunum af netnotkun og samfélagsmiðlum. Hér eru fimm ráð sem ég vona að geti hjálpað foreldrum að fylgjast betur með netnotkun barna og unglinga og hafa jákvæð áhrif.
Notaðu sömu vefsíður og forrit (öpp) og barnið þitt
Þú lærir af þessu og verður í betri stöðu til að leiðbeina barninu.Spilaðu tölvuleikina sem barnið þitt spilar
Þannig sérðu út á hvað leikirnir ganga og hvernig barnið notar leikinn. Í dag eru margir leikir með innbyggðum samskiptamöguleika og mörg börn kynnast öðrum spilurum í gegnum tölvuleiki.Vertu vinur barnsins þíns á öllum þeim samfélagsmiðlum sem barnið notar
Þetta á jafnt við um Facebook, Instagram, Snapchat, o.s.frv. Þannig getur þú haft auga með barninu en meiru skiptir að með þessu færðu tækifæri til að vera fyrirmynd með því að sýna barninu hvernig ábyrgur einstaklingur notar samfélagsmiðla.Biddu barnið um að sýna þér vefsíður sem því finnast flottar og það notar
Sýndu barninu og því sem það gerir áhuga. Skoðaðu það sem barnið sýnir þér með opnum hug og hafðu í huga að þú vilt vinna traust barnsins. Þú vilt að barnið þitt treysti þér til að sýna allar þær vefsíður sem það notar.Deildu reynslu þinni með öðrum foreldrum
Fáðu upplýsingar frá þeim um hvað börnin þeirra gera á netinu. Foreldrasamfélagið á að vera sterkt.Með því að vera opin fyrir því sem barnið er að gera og forðast að dæma og banna án þess að skoða, vinnum við traust barnanna. Þegar börnin treysta okkur getum við tekið upplýsta umræðu við börnin um hvað gæti verið varasamt. Mín skoðun er sú að ef við upplýsum börnin um hætturnar eru meiri líkur á að þau varist þær en ef við bönnum hlutina án umræðu. Stundum gera bönn hlutina spennandi.