Það hefur verið töluvert mikil rýrnun hjá okkur þar sem það er hreinlega verið að stela í búðunum hjá okkur, verið að ganga út með allt of mikið og hreinlega heilu körfurnar.
Í upphafi var lögð áhersla á að greina stöðuna heildrænt og skoða hvernig hægt væri að bæta öryggi með nútímalegum lausnum. Markmiðin voru skýr þar sem var lagt upp með að einfalda rekstur og umsýslu öryggiskerfa, auka aðgengi að gögnum og yfirsýn, nýta nýjustu tækni, þar á meðal gervigreind og styðja við hraðari og markvissari viðbrögð.
Samkaup unnu náið með Advania og Verkada í ferlinu, þar sem lögð var áhersla á ráðgjöf, uppsetningu og þjálfun. Val á lausn var drifið áfram af þörfinni fyrir einfaldleika, sveigjanleika og miðlæga stjórnun.
Samkaup innleiddu Verkada myndavélakerfi sem hluta af heildstæðri öryggisuppfærslu.
Lausnin fól meðal annars í sér að innleiða myndavélakerfi í skýinu með miðlægri stjórnun, gervigreindarstuðning til að flýta leit að atvikum, einfalda uppsetningu án staðbundinna netþjóna, aðgang að kerfinu úr tölvu eða síma, hvar sem er og uppsetningu á öryggishliðum og auknum sýnileika eftirlits
Innleiðingin gekk vel með stuðningi frá Advania, sem sá um uppsetningu, stillingar og þjálfun starfsfólks.
Helsti kosturinn við að hafa þetta í skýinu er að núna eru allar myndavélarnar á einum stað fyrir okkar öryggisstjóra, í stað þess að þurfa að fara á milli staða.
Innleiðingin skilaði bæði mælanlegum og eigindlegum ávinningi fyrir Samkaup. Rekstrarlega varð leit og viðbrögð við atvikum mun hraðari, á sama tíma og rekstur einfaldaðist verulega þar sem ekki var lengur þörf á staðbundnum netþjónum. Þetta dró úr flækjustigi í umsýslu kerfa og létti á daglegum rekstri.
Á sviði öryggis og yfirsýnar náðist einnig verulegur árangur. Fyrirtækið fékk betri heildarsýn yfir allar verslanir á einum stað, sem jók bæði öryggi viðskiptavina og starfsfólks. Aukinn sýnileiki myndavéla og skjáa hafði jafnframt fælingarmátt og stuðlaði að öruggara verslunarumhverfi.
Frá viðskiptalegu sjónarhorni var þetta mikilvægt skref í átt að minni rýrnun, auk þess sem upplifun viðskiptavina í verslunum batnaði.
Samkaup stefna á að halda áfram uppbyggingu lausnarinnar og innleiða hana í fleiri verslanir. Einnig eru áform um að auka sýnileika öryggis með myndavélum og skjám í anddyrum verslana.
Við viljum fyrst og fremst að okkar viðskiptavinum líði vel í verslunum okkar. Með þessari lausn erum við bæði að bæta öryggi og horfa til sparnaðar með minni rýrnun