NVIDIA gefur innsýn í framtíð gervigreindar
Bragi Gunnlaugsson
Sérfræðingur, innviðalausnum Advania
Fulltrúar frá NVIDIA héldu áhugaverða kynningu á Haustráðstefnu Advania þar sem farið var yfir sögu og framtíð gervigreindar (AI) og GPU-tækni. Í kynningunni var farið yfir hvernig NVIDIA hefur þróast frá því að vera fyrirtæki í framleiðslu á skjákort fyrir tölvuleiki yfir í að vera leiðandi fyrirtæki í gervigreind.
Sérstök áhersla var lögð á CUDA-vinnslukerfið og hvernig það hefur gert það mögulegt að keyra flókin verkefni í myndgreiningu og gervigreind.
Kynnt voru spennandi dæmi um hvernig NVIDIA hefur stutt við þróun stórra málalíkana, m.a. með því að veita OpenAI aðgang að öflugum vélbúnaði. Einnig var fjallað um hvernig NVIDIA hefur þróað hugbúnaðarlausnir sem gera fyrirtækjum kleift að nýta gervigreind í starfsemi sinni með góðum árangri t.d. í heilbrigðisþjónustu, bílaframleiðslu og fleiri greinum.
Fulltrúar Nvidia lögðu áherslu á að framtíðin liggi í AI -agent, sem eru sjálfstæðar gervigreindarþjónustur sem geta aðstoðað starfsmenn í daglegum verkefnum. Þeir spá því að fyrir árið 2028 muni flest fyrirtæki nýta slíka tækni í rekstri sínum.
Sjáðu upptöku af fundinum
Tímamóta samstarf Advania og NVIDIA
Advania er Elite Partner hjá NVIDIA. Í fyrsta skipti á Íslandi, býðst fyrirtækjum að fá aðgang að nútíma gervigreindarvélbúnaði í áskrift sem hýstur er innanlands. Þetta gerir fyrirtækjum og stofnunum auðveldar fyrir að hefja sína gervigreindarvegferð, og gerir þeim kleift að skala vinnslum eins og hentar.