4.5.2018 | Fréttir

Advania fylltist af stelpum

advania colors line
Skemmtileg stemning myndaðist í höfuðstöðvum Advania á dögunum þegar hópur stelpna úr 9.bekkjum á höfuðborgarsvæðinu heimsótti fyrirtækið. Heimsóknin var í tilefni viðburðarins Stelpur og tækni sem haldinn var í fimmta sinn af Háskólanum í Reykjavík í samvinnu við Samtök iðnaðarins, SKÝ og LS Retail.

Um 750 stelpur tóku þátt í vinnustofum í HR og fræddust um náms- og atvinnumöguleika í tæknigeiranum. Að vinnustofunum loknum heimsóttu stelpurnar tæknifyrirtæki á höfuðborgarsvæðinu.
Hjá Advania hittu þær fyrir reyndar og flottar konur sem sjá sko ekki eftir því að hafa valið tæknigeirann sem starfsvettvang. Starfskonur Advania vildu opna augu stelpnanna fyrir framtíðarmöguleikum sem tæknigreinar bjóða uppá og hvöttu þær til að skoða námsframboð í tækni.

Eins og hjá flestum tæknifyrirtækjum landsins starfa fleiri karlar en konur hjá Advania. Það er stefna fyrirtækisins að laða fleiri konur til starfa og við vonumst til að sjá 9. bekkingana aftur eftir nokkur ár!
TIL BAKA Í EFNISVEITU