21.11.2018 | Fréttir

Er þín vefverslun tilbúin fyrir jólin?

advania colors line

Að mörgu er að huga í vefverslun á háanna tíma. Það þarf að hlúa að vefverslunum af sömu natni og hefðbundnum verslunarrýmum, framsetning þarf að vera góð og skilmálar skýrir.

Vægi vefverslana er sífellt að aukast samhliða auknum kröfum neytenda. En hvenær er rétti tíminn til að setja upp vefverslun og hversu mikla athygli ætti hún að fá í rekstrinum?

Öflug vefverslun getur verið mikil þjónustuaukning við viðskiptavini. Væntanlegir kúnnar geta t.d. kynnt sér vörur með ítarlegri hætti en oft áður og auðveldlega borið saman við aðrar vörur. En það er alls ekki nóg að stilla upp verslun á vefnum og halda að hún sjái bara um sig sjálf. Mikilvægt er að vefverslunin virki sem eins konar opið samtal við viðskiptavini.

Fyrir um ári síðan færði Advania alla sína verslun yfir í netheima í því sjónarmiði að auka þjónustu við viðskiptavini. Hér má fræðast örlítið meira um það ferðalag.

TIL BAKA Í EFNISVEITU