Árs- og sjálfbærniskýrsla Advania er komin út
Sylvía Rut Sigfúsdóttir
samskiptastjóri Advania
Árs- og sjálfbærniskýrsla Advania Group kom út í dag en í skýrslunni er dregin upp heildstæð mynd af rekstri samstæðunnar, stefnu hennar og sjálfbærnimarkmiðum.
Í skýrslunni er fjallað um samstæðuna í heild og svo hvert land fyrir sig, þar á meðal Advania á Íslandi.
Í árs- og sjálfbærniskýrslu 2025 kemur meðal annars fram að tekjur Advania samstæðunnar jukust um 22% á árinu, einkum vegna vaxandi rekstrarþjónustu og stefnumótandi yfirtaka. Sú stefna hefur nær þrefaldað vöxt félagsins frá árinu 2021.
Advania samstæðan heldur áram að vaxa með skilvirkum hætti, með áframhaldandi áherslu á að styðja við viðskiptavini og að skapa hjá þeim raunverulegar rekstrarbreytingar og aukna verðmætasköpun.
Hjá Advania samstæðunni starfa alls um 5.500 sérfræðingar á 53 starfsstöðvum í níu löndum, þar af um 550 á Íslandi.
Árs- og sjálfbærniskýrslu Advania Group fyrir 2025 má nálgast á ensku hér á vefnum okkar.