Sylvía Rut Sigfúsdóttir
samskiptastjóri Advania

Ármann Jakob starfar sem Linux sérfræðingur og hlýtur þessa viðurkenningu fyrir að deila sinni þekkingu og veita öðrum ráðgjöf á samskiptasíðum Red Hat.

„Þessi viðurkenning er staðfesting á þeirri þekkingu sem við hjá Advania höfum í rekstri á Linux kerfum. Þegar Linux áskoranir koma upp og tími og kunnátta innanhús er takmörkuð þá erum við Linux deildin þín og stígum inn í lítil sem stór verkefni,“ segir Ármann Jakob.

„Red Hat Learning Community Ambassador prógrammið heiðrar þá sem með framlagi sínu styrkja okkar samfélag og hjálpa öðrum að vaxa. Þetta er fólkið sem deilir þekkingu sinni áfram og styður við aðra meðlimi,“ segir í tilkynningu frá Red Hat.

Advania býður fyrirtækjum ráðgjöf og þjónustu fyrir Linux. Allt frá uppsetningu og uppfærslum til viðhalds og vöktunar með áherslu á áreiðanleika, sveigjanleika og öryggi í rekstri.