Ístak er eitt af öflugustu verktakafyrirtækjum landsins og hefur verið leiðandi í bygginga- og mannvirkjagerð á Íslandi i í yfir hálfa öld. Fyrirtækið sinnir fjölbreyttum framkvæmdum, allt frá jarðvinnu og hafnarframkvæmdum til brúa-, vega- og stórvirkjunarverkefna, bæði hérlendis og erlendis.
Ístak rekur Stapafellsnámu á Reykjanesi þar sem bæði unnið og óunnið efni er selt til verktaka. Áður en ný lausn var innleidd byggðist allt ferlið í kringum skráningu efnissölu á handvirkum vinnubrögðum.
Starfsfólk á vinnuvélum fyllti út pappírsblöð fyrir hverja afgreiðslu og gögnin voru síðan flutt á skrifstofu þar sem þau voru slegin handvirkt inn í Excel áður en upplýsingarnar fóru áfram í bókhaldskerfi fyrirtækisins. Með allt að 30-40 daglegum afhendingum og 150-200 vikulegum afhendingum skapaði þetta töluvert álag, auk þess sem hætta á villum, töfum og skorti á yfirsýn jókst.
Markmiðið var að einfalda ferlið, minnka handvirka vinnu og tryggja að upplýsingar væru aðgengilegar strax þegar afhending ætti sér stað. Áhersla var lögð á að þróa lausn sem væri einföld í notkun fyrir starfsfólk á vettvangi en myndi jafnframt bæta upplýsingaflæði til skrifstofu og bókhalds.
Með því að nýta Power Platform var hægt að þróa lausnina á mun hraðari hátt en hefðbundin hugbúnaðarverkefni og leggja áherslu á einfaldleika og sjálfvirkni.
Power App var þróað sem starfsfólk í vinnuvélum notar á spjaldtölvum til að skrá efnissölu með rafrænum hætti. Í stað pappírsblaða eru afhendingar nú skráðar í einföldu notendaviðmóti þar sem upplýsingar fara sjálfkrafa áfram í viðeigandi kerfi.
Gögnin vistast í Dataverse og eru þar tilbúin fyrir skýrslur og greiningar. Með þessu hefur tvískráning verið fjarlægð úr ferlinu og allt upplýsingaflæði orðið mun skilvirkara.
Þetta er mikil bragarbót á ferlinu okkar þar sem við getum skráð upplýsingar inn með rafrænum hætti strax í byrjun ferlisins og enn fremur þá gefur þetta þeim sem afgreiða efni í Stapafellsnámunni tækifæri að vita stöðu hjá okkar viðskiptavinum strax við úttekt.
Innleiðingin skilaði skýrum ávinningi fyrir Ístak og einfaldaði ferlið frá upphafi til enda. Með því að færa skráningu yfir í stafrænt umhverfi eru allar upplýsingar nú skráðar á stöðluðu formi og aðgengilegar í rauntíma, sem hefur dregið verulega úr líkum á mistökum og tapaðri yfirsýn.
Reikningagerð hefur einnig orðið hraðari þar sem upplýsingar liggja fyrir strax við afhendingu. Jafnframt hefur dregið úr handvirkri vinnu og tvískráningu, sem gerir starfsfólki kleift að verja meiri tíma í verðmætari verkefni.
Með Power Apps hefur Ístak byggt upp einfaldara og skilvirkara vinnuflæði sem styður betur við daglegan rekstur og skapar sterkari grunn fyrir áframhaldandi þróun.
Hafðu samband og skoðum hvernig hægt er að einfalda ferlið með Power Platform.