Nathan er eitt rótgrónasta heildsölufyrirtæki landsins með yfir aldargamla sögu, allt aftur til ársins 1912. Fyrirtækið þjónustar bæði verslanir og stóreldhús og byggir starfsemi sína á sterku vöruúrvali og traustum samstarfssamböndum.
Til að styðja við áframhaldandi vöxt og auknar kröfur markaðarins ákvað Nathan að ráðast í innleiðingu á nýrri vefverslun sem myndi einfalda rekstur og bæta þjónustu við viðskiptavini.
Fyrir innleiðingu á nýju lausninni var reksturinn flóknari en æskilegt var. Mörg kerfi og samþættingar höfðu í för með sér aukinn rekstrarkostnað og töluvert handvirkt vinnuframlag.
Starfsfólk, sérstaklega í vörustýringu, þurfti að sinna fjölmörgum handtökum til að setja vörur í sölu eða kynna ný vörumerki. Þetta tók tíma frá verðmætari verkefnum, eins og þjónustu við viðskiptavini.
Á sama tíma voru kröfur viðskiptavina skýrar: nálægð, áreiðanleiki og stöðug aðgengi að vörum allan ársins hring.
Við erum með færri kerfi, þetta eru færri samþættingar, þetta eru miklu, miklu færri handtök fyrir starfsfólkið í vörustýringunni að sinna, bara til þess að koma nýjum vörum á loftið eða kynna ný vörumerki eða hvað sem er.
Nathan innleiddi nýja vefverslun byggða á DynamicWeb í samstarfi við Advania.
DynamicQeb sameinar vefverslun, PIM (vöruupplýsingakerfi), efnisstýringu og markaðstól í einu heildstæðu umhverfi, sem einfaldar kerfislandslagið og dregur úr flækjustigi.
Með lausninni var:
Innleiðing nýju vefverslunarinnar hafði strax mælanleg áhrif á daglegan rekstur. Færri kerfi og einfaldari ferlar þýða að starfsfólk þarf nú að sinna færri handtökum við vörustýringu.
Þessi tímasparnaður hafði bein áhrif á þjónustu við viðskiptavini Nathan:
Við erum búin að græða alveg ótrúlegt magn af mínútum inn í vinnudaginn sem við getum nýtt í önnur verkefni.
Fyrir Nathan er rekstraröryggi lykilatriði — viðskiptavinir treysta á fyrirtækið fyrir sín daglegu aðföng. „Við þurfum samstarfsaðila sem við getum treyst á að áreiðanleikinn sé til staðar, hraðinn sé til staðar, uppitíminn sé til staðar.“
Með nýrri lausn er betri yfirsýn yfir reksturinn og stöðugra þjónustuumhverfi sem styður við þetta hlutverk.
„Samstarfið við Advania var heilt yfir mjög gott. Framkvæmdin á verkefninu var mjög góð, verkefnastýringin var mjög góð og upplýsingagjöfin alveg frábær.“
„Það gekk ótrúlega vel að ná þessu í loftið á svona stuttum tíma.“
Ég get hiklaust mælt með DynamicWeb sem vefverslunarlausn fyrir önnur fyrirtæki. Kerfið er hratt, auðvelt að vinna í og býður upp á mikla möguleika.