Advania LIVE: Bein útsending frá UTmessunni
Í dag fer fram ráðstefnudagur hinnar árlegu UTmessu í Hörpu. Á UTmessunni koma saman helstu tölvu- og tæknifyrirtæki landsins til að deila nýjungum, hvetja fólk til að kynnast iðnaðinum og sýna hvað tæknin getur gert fyrir daglegt líf. Þetta er í 15. skipti sem UTmessan er haldin.
Að þessu tilefni taka Ský og Advania á Íslandi höndum saman og halda úti beinni hlaðvarpsútsendingu frá Hörpu þar sem rætt verður við nokkra fyrirlesara ráðstefnunnar eftir að þeir stíga af sviði. Advania LIVE útsendingunni stýra Sylvía Rut Sigfúsdóttir samskipta- og kynningarstjóri Advania og Stefán Gunnlaugur Jónsson frá UTvarpinu, hlaðvarpi Ský.
Hægt verður að fylgjast með útsendingunni í spilaranum frá 10 til 16 í dag.
Dagskrá
10:00 Lára Kristín Skúladóttir
10:15 Dr. Stefán Ólafsson
10:45 Linda Heimisdóttir
11:15 Pinar Alpay
11:45 Arna Harðardóttir
HLÉ
13:15 Jacky Mallett
13:45 Taylor Garcia van Biljon
14:15 Arnar Ágústsson
Hlé
15:15 Hörn Hrafnsdóttir
15:1-45 Níels Ingi Jónasson
Um Advania LIVE
Advania heldur úti hlaðvarpi með lifandi umræðum við sérfræðinga í beinni útsendingu við ýmis tilefni. Fjallað er um margar hliðar upplýsingatækni út frá sjálfbærni, gervigreind, öryggismálum og öllu því sem er í forgrunni hverju sinni.
Nú þegar hafa verið beinar útsendingar á vegum Advania LIVE frá ýmsum viðburðum eins og Nýsköpunarviku, Mannauðsdeginum og Ferðaþjónustuvikunni og hægt að nálgast upptökurnar á öllum helstu hlaðvarpsveitum.
Um UTmessu
UTmessan er viðburður fyrir öll sem elska tækni eða langar að kynna sér töfra tækninnar! Þar má skoða og prófa það nýjasta sem er gerast í tölvu- og tækniheiminum. Á ráðstefnudeginum 7. febrúar er boðið upp á fróðlega fyrirlestra og sýningar fyrir skráða gesti, en á tæknideginum 8. febrúar er opið hús þar sem öll eru velkomin að gera sér glaðan dag með líflegum sýningum og fjölbreyttum kynningum. Á UTmessunni er eitthvað spennandi fyrir okkur öll!