Hvað skiptir máli í tölvukaupum fyrir sumarstarfsfólkið?
Bragi Gunnlaugsson
Sérfræðingur, innviðalausnum Advania
Nú nálgast sumarið hratt og mörg fyrirtæki farin að huga að ráðningu sumarstarfsfólks. Á mörgum vinnustöðum verður oft snúið að finna rétta búnaðinn, enda þarf að finna rétta jafnvægið á milli kostnaðar, notagildis og öryggis. Við höfum tekið saman nokkur ráð sem gott er að hafa í huga:
Það þarf ekki alltaf að versla það dýrasta
Sumarstörf krefjast sjaldnast öflugasta búnaðarins. Fyrir verkefni eins og tölvupóst, vefkerfi, skjalavinnu og einföld viðskiptaforrit duga oft hagkvæmari fartölvur vel. Mikilvægt er að horfa frekar á áreiðanleika, rafhlöðuendingu og að tölvan styðji nútímaleg öryggiskerfi, frekar en hámarksafköst.
Endurnýting fer vel með budduna og umhverfið
Margir vinnustaðir eiga tölvur uppi í hillu sem ekki eru lengur í daglegri notkun hjá fastráðnu starfsfólki. Slíkar tölvur má oft endurnýta með því að senda þær í uppfærslu. Í mörgum tilfellum má til dæmis:
- uppfæra stýrikerfi
- auka vinnsluminni eða setja nýjan SSD disk
- hreinsa og gera fínt
- kaupa lengri ábyrgð
Með þessu er hægt að lengja líftíma búnaðarins um nokkur ár og draga verulega úr innkaupakostnaði. Fyrirtæki á borð við Advania bjóða upp á slíka þjónustu, þar sem eldri tölvur eru yfirfarnar og gerðar tilbúnar til áframhaldandi notkunar.
Aukahlutirnir eru oft í aðalhlutverki
Að spandera nokkrum þúsundköllum í nýja aukahluti getur skilað sér margfalt í upplifun sumarstarfsmannsins. Það er heilmikill munur á að fá nýtt lyklaborð, mús og heyrnartól, frekar en gamalt og notað. Forðastu samt að kaupa sérlausnir fyrir hvern og einn. Vertu jafnvel með „ríkis“ lyklaborð og mús sem allir fá, og hægt er að geyma á lager á vinnustaðnum og afhenda eftir þörfum. Þetta einfaldar allan rekstur og sparar í innkaupum.
Að lokum: Það borgar sig að vera tímanlega í því
Það margborgar sig að huga að sumastarfsmannagræjumálunum fyrr frekar en seinna. Teikna t.d upp hvað er hægt að endurnýta og hvað þarf að kaupa. Þannig er hægt að lækka kostnað og tryggja að allt gangi smurt fyrir sig þegar blessað sumarið kemur. Ef þig vantar aðstoð við að teikna hlutina upp fyrir sumarið, eru sérfræðingar okkar alltaf reiðubúnir að aðstoða. Ekki hika við að senda okkur línu og fá tilboð í þín innkaup.