Íslensk fyrirtæki hafa ekki farið varhluta af þeirri þróun að viðskiptavinir gera stöðugt meiri kröfur til þjónustuupplifunar. Sé upplifuninni ábótavant eru viðskiptavinir oft fljótir að leita til samkeppnisaðila.

Íslensk fyrirtæki hafa ekki farið varhluta af þeirri þróun að viðskiptavinir gera stöðugt meiri kröfur til þjónustuupplifunar. Sé upplifuninni ábótavant eru viðskiptavinir oft fljótir að leita til samkeppnisaðila. 

Á sama tíma harðnar samkeppnisumhverfið og markaðssvæði verða sífellt alþjóðlegri með tilkomu erlendra risa sem færa sig í auknum mæli inn á smásölumarkaði. Verkefnum er útvistað til láglaunasvæða og frumkvöðlafyrirtæki nýta nýjar tæknilausnir til að hreyfa sig á hraða sem hefði vart verið mögulegur fyrir nokkrum árum síðan.

Samkeppni um kröfuharða viðskiptavini

Bætt sölustjórnun og utanumhald viðskiptatengsla getur skilað miklum og skjótum ávinningi. Með markvissri stefnu og innleiðingu er mögulegt að ná enn meiri árangri: auka virði viðskiptasambanda, komast nær viðskiptavinum, skilja þarfir þeirra betur og auka þjónustustig.

Advania hefur á undanförnum árum unnið með nokkrum af stærstu fyrirtækjum landsins við að mæta þessum markmiðum með innleiðingu lausna á borð við Salesforce CRM. Salesforce er leiðandi lausn á heimsvísu til að bæta markaðs-, sölu- og þjónustuferli fyrirtækja. Vel heppnuð innleiðing lausna á borð við Salesforce getur umbylt sölu- og þjónustuferlum þegar upplýsingar eru virkjaðar á markvissan hátt, í stað þess að vera dreifðar um Excel skjöl og pósthólf einstakra starfsmanna.

Með Salesforce fá fyrirtæki aðgang að fullkomnum verkfærum og ferlum á einfaldan hátt, enda hefur Salesforce alla tíð lagt ríka áherslu á einfaldleika í notkun kerfisins. Ekki þarf að fjárfesta í neinum vél- eða hugbúnaði þar sem Salesforce er keyrt í skýinu og greitt er áskriftargjald eftir notkun. Það er auðvelt að laga kerfið að þörfum notenda og bæta við eða taka út einingar; þannig vex kerfið og þroskast með viðskiptavinum eftir þörfum hverju sinni.

Tækifæri með viðskiptavininn í forgrunni

Það eru gríðarmikil tækifæri fólgin í því að hámarka þau verðmæti sem liggja í viðskiptasamböndum fyrirtækja. Um það fjallaði Tiffani Bova á Haustráðstefnu Advania en hún er helsti sérfræðingur Salesforce í viðskiptasamböndum. Hér má heyra brot af því sem hún fjallaði um.

Viljir þú vita meira um hvernig Salesforce getur nýst þér, má finna frekari upplýsingar um Salesforce á vef Advania. En svo viljum við endilega heyra í þér og bjóða þér í kaffi. Við höfum alltaf gaman af að hitta  viðskiptavini, læra um þeirra viðfangsefni og skoða hvernig við getum orðið þeim að liði.


Höfundur: 
Helgi Björgvinsson, forstöðumaður á hugbúnaðarlausnasviði Advania