Helga María Jónsdóttir
vörueigandi Signet login hjá Advania

Stenst ítrustu öryggiskröfur

Signet login er víðtæk lausn sem gerir einstaklingum og lögaðilum kleift að veita einstaklingum umboð til að sýsla með málefni viðkomandi. Að baki hverju umboði liggur rafrænt undirritað eða innsiglað skjal sem má nota þegar umboðum er beitt.

Sérstaða Signet login er að það er samhæft innskráningarþjónustu Ísland.is þannig að aðilar sem hafa nýtt sér auðkenningarþjónustu innskraning.island.is geta með mjög auðveldum hætti tengst auðkenningarþjónustu login.signet.is.

Á sama tíma býður Signet login upp á að geta tengst nýrri innskráningarþjónustu sem stenst ítrustu kröfur til tækni og öryggis.

Ítargögn um hinn auðkennda

Signet login gefur notendum kleift að skrá sig inn með rafrænum skilríkjum frá Auðkenni (sími, kort og app) og einnig geta erlendir ríkisborgarar frá yfir 50 löndum skráð sig inn með rafrænum skilríkjum frá Evrotrust.

Möguleiki er á viðbótaröryggi sem minnkar líkurnar á að fólk sé blekkt til auðkenningar og nafnlausri auðkenningu (e. Anonymous authentication). Að auki er hægt að fá upplýsingar um það hvort hinn auðkenndi sé með prókúru.

Signet login er næsta kynslóð af auðkenningarþjónustu sem getur til viðbótar við hefðbundna auðkenningarþjónustu látið fylgja ítargögn um hinn auðkennda.

Auðkenningu geta fylgt eigindi úr Þjóðskrá, svo sem lögheimili, sveitarfélag, kyn, aldur og fleira – þá má til dæmis takmarka auðkenningu við ákveðinn aldur eða lögheimili. Einnig er hægt að hafa tengingar við starfsréttindaskrár – sem dæmi er hægt að takmarka auðkenningu eingöngu við einstaklinga á læknaskrá.