Sigurgeir Þorbjarnarson
Vörustjóri funda- og samskiptalausna

Sævar Ríkharðsson opnaði daginn á stöðunni á markaðnum og fór yfir þá þrálátu verðþróun sem einkennir bæði tölvur og netþjóna um þessar mundir. Staðan á minnismarkaði er þar stór áhrifaþáttur og hún smitast beint út í verð á öllum búnaði. Skilaboðin voru skýr: tímasetning innkaupa skiptir meira máli núna en oft áður.

Næst var farið yfir hugtökin sem allir sjá í auglýsingum en færri treysta sér til að útskýra. NPU er sérhæfður gervigreindarkjarni í örgjörvanum, TOPS er mælikvarðinn á hvað hann afkastar og Copilot+ er sá þröskuldur sem vél þarf að ná til að keyra gervigreind beint á tækinu í stað þess að senda allt í skýið. Munurinn skiptir máli í praxís: minni töf, minni skýjakostnaður og gögnin verða eftir hjá þér.

Farið var yfir allt það nýjasta í Dell Pro fyrirtækjalínunni og Dell Pro Rugged vöruvalið, vélarnar sem eru byggðar fyrir aðstæður þar sem venjulegar fartölvur gefast upp. Þá var litið fram á veginn og kynntar væntanlegar nýjungar, þar á meðal Dell XPS með NVIDIA RTX Spark og Dell XPS Googlebook.

Stærstu tölurnar komu með Dell Pro Max With GB10 og Dell Pro Max With GB300. Þetta eru vélar sem keyra stór mállíkön á staðnum, á skrifborðinu, án þess að viðkvæm gögn fari nokkru sinni út fyrir húsið. Fyrir fyrirtæki sem vilja nýta gervigreind en mega ekki senda gögn út í heim er þetta einmitt brúin sem vantaði.

Þá var tilkynnt það sem mörgum þótti tíðindi: Advania er fyrsti og eini opinberi samstarfsaðili Logitech á Íslandi. Það þýðir beinni aðgang að vörulínunni, þekkingunni og stuðningnum á bak við hana.

Sigurgeir Þorbjarnarson vörustjóri tók við og fór yfir Samskiptalausnir, þar sem gervigreindin er komin mun lengra inn í búnaðinn en flestir átta sig á. Evolve3 línan frá Jabra fékk sérstaka athygli: hljóðneminn notar gervigreind til að einangra röddina og sía burt umhverfið, og skilar fullkomnu hljóði þrátt fyrir að hafa engan útdraganlegan hljóðnema. Tólin líta út eins og venjuleg heyrnartól en hljóma eins og þú sitjir í hljóðveri.

Einnig var komið inn á Genesys samskiptaverslausnina, sem byggir að stórum hluta á gervigreind.

Síðastur á svið var Asbjorn Sorensen frá Verkada, og þar var gervigreindin í hverju horni. Í stað þess að skrolla tímunum saman í gegnum upptökur leitar þú einfaldlega að „maður með grímu“ eða „appelsínugul Tesla Model Y“ og kerfið finnur það.

Gervigreindin er líka byggð inn í myndavélarnar sjálfar og getur sent viðvörun þegar einhver dettur, klifrar yfir girðingu eða þegar slagsmál brjótast út. Nýjast er hljóðkerfið sem er orðið hluti af lausninni, þar sem hægt er að láta kerfið kalla á fólk sem er statt þar sem það á ekki að vera: „Þú þarna í gulu peysunni, ekki fara þangað.“ Salurinn kunni vel að meta það.

Verkada er í mikilli sókn sem hybrid lausn sem þarf ekki að stóla á netþjóna, og sleppur þannig við þær hækkanir sem þar eiga sér stað þessar stundirnar.