Fjölskyldufyrirtæki á tímamótum
Orgus er 25 ára fjölskyldufyrirtæki sem stóð á tímamótum þegar kynslóðaskipti áttu sér stað. Með nýrri sýn var ákveðið að hefja smásölu og opna vefverslun samhliða áframhaldandi rekstri.
Við vorum að gera breytingar á fyrirtækinu, ég var að fara að setja upp fullt af nýjum vörum og ákvað að þetta væri tækifæri til að skipta um bókhaldskerfi sem styddi vefverslun með góðum hætti
Áskorunin
Við breytingar á rekstri þurfti Orgus að innleiða nýtt kerfi sem gæti stutt bæði bókhald, sölukerfi og netverslun. Helstu áskoranir voru að setja upp vefverslun á einfaldan og hagkvæman hátt, samræma bókhald, birgðir og sölu í einu kerfi ásamt því að tryggja að lausnin gæti vaxið með fyrirtækinu. Án slíkrar lausnar hefði reksturinn orðið flóknari og meiri vinna farið í handvirk ferli.
Nálgunin
Guðrún M. Örnólfsdóttir, framkvæmdastjóri Orgus, leitaði að lausn sem væri bæði einföld í notkun og sveigjanleg til framtíðar. Hún kynnti sér möguleika á markaðnum og leitaði til Advania eftir ráðgjöf. Áhersla var lögð á einfalt og aðgengilegt kerfi, sterka tengingu við vefverslun, skalanleika fyrir framtíðarvöxt og lágmarks flækjustig í uppsetningu.
Shopify hlutinn var rosalega einfaldur í uppsetningu með Business Central, ég hugsa að ég hafi eytt klukkutíma eða tveimur max í að koma tengingu á milli þannig að upplýsingarnar flæddu á milli
Það er einfalt að setja vörur inn í Business Central og flytja þær í rauninni með smá klikki og þá eru þær komnar inn í vefverslunina
Lausnin
Dynamics 365 Business Central varð fyrir valinu með innbyggðri Shopify tengingu. Lausnin gerði Orgus kleift að setja upp bæði bókhaldskerfi og vefverslun sem vinna saumlaust saman. Uppsetning tengingarinnar reyndist afar einföld og tók aðeins stuttan tíma. Með lausninni:
- Flytjast vörur auðveldlega úr Business Central í vefverslun
- Birgðir samstillast sjálfkrafa á milli kerfa
- Sala er möguleg bæði í verslun og á neti
- Hægt er að afgreiða viðskiptavini með iPad eða síma
Niðurstöður og árangur
Innleiðingin gerði Orgus kleift að hefja netverslun hratt og án flókins innleiðingarferlis. Daglegur rekstur varð einfaldari þar sem bókhald, birgðir og sala eru nú samræmd í einu vistkerfi.
Sjálfvirk samstilling gagna sparar tíma og dregur úr handvirkri vinnu, á meðan sveigjanleg afgreiðsla með iPad og síma eykur þjónustustig í verslun. Lausnin hefur einnig skapað traustan grunn fyrir áframhaldandi vöxt, þar sem kerfið er skalanlegt og getur þróast með fyrirtækinu.
Með innleiðingu Business Central og Shopify hefur Orgus byggt upp nútímalegt og sveigjanlegt rekstrarumhverfi sem styður við bæði verslun og netviðskipti.
Viltu setja upp vefverslun hratt og örugglega?
Hafðu samband og við hjálpum þér af stað.