Við fjöllum um gagnaöryggi í nýju myndbandi og minnum á morgunverðarfund um þennan mikilvæga málaflokk sem haldinn verður 29. apríl.

Í upplýsingasamfélagi nútímans verður sífellt flóknara að fara rétt með gögn. Miklar kröfur eru gerðar til fyrirtækja um varðveislu persónulegra gagna en jafnframt hefur myndast umfangsmikil glæpastarfsemi sem snýst um stuld eða misnotkun á gögnum. Þessi glæpastarfsemi tekur á sig fjölbreyttar myndir.  Gögn eru tekin í gíslingu og notendur krafðir um há lausnagjöld. Markvisst er unnið að því að stela gögnum og starfsfólk er blekkt til að hleypa óprúttnum aðilum í innri kerfi fyrirtækja. Gerðar hafa verið stórar álagsárásir á netkerfi sem gera fyrirtækjum ómögulegt að þjónusta viðskiptavini sína.

Félagar mínir, þeir Bjarki Traustason vörustjóri, Sverrir Hákonarson ráðgjafi og Kristján Hákonarson öryggisstjóri fjalla um upplýsingaöryggi og varnir gegn gagnalekum frá ýmsum hliðum í nýju myndbandi.