Frá viðburði sem Microsoft hélt í sumar fyrir Inner Circle samstarfsaðila.
Fréttir - 11. september 2024Advania í innsta hring Microsoft þriðja árið í röð
Microsoft hefur tilkynnt þá samstarfsaðila sem komast í hópinn 2024-2025 Microsoft Business Applications Inner Circle. Advania er í þessum virta hóp samstarfsaðila þriðja árið í röð.
Aðeins eitt prósent samstarfsaðila Microsoft komast á þennan eftirsótta lista, en það eru þeir 78 samstarfsaðilar sem náð hafa bestum árangri.
„Við erum einstaklega stolt af því að vera áfram í innsta hring Microsoft. Samstarfsaðilar þeirra skipta þúsundum á heimsvísu og aðeins 15 samstarfsaðilar í Evrópu komust á listann að þessu sinni,“ segir Högni Hallgrímsson forstöðumaður vörustjórnunar hjá viðskiptalausnum Advania.
„Við höfum mikið metnað fyrir að bjóða heildarframboð af Microsoft Dynamics lausnum hvort sem þær heita F&O, Business Central, Sales, Power Platform o.s.frv. Við höfum verið leiðandi í skýjavæðingu ERP kerfa með Microsoft á heimsvísu og með þéttu samstarfi systurfyrirtækja okkar á norðurlöndunum og Bretlandi erum við ekki bara stærsti þjónustuaðili Dynamics á Íslandi heldur komin í hóp stærstu samstarfsaðila Microsoft á heimsvísu,“ segir Högni.
Högni Hallgrímsson forstöðumaður vörustjórnunar hjá viðskiptalausnum (t.v.) fór fyrir hönd Advania á Íslandi á árlega boðsráðstefnu Microsoft fyrir Inner Circle meðlimi.