Geðheilbrigði á vinnustað - vitundarvakning og ráðstefna
Á Alþjóðlegum degi geðheilbrigðis, 10. október, standa Advania og Mental ráðgjöf fyrir ráðstefnu ætlaðri áhugasömum stjórnendum og öðrum fulltrúum vinnustaða. Yfirskrift ráðstefnunnar er Geðheilbrigði á vinnustað.
Ráðstefnan er hluti af vitundarvakningu um geðheilbrigði. Advania tekur þátt í átakinu og hvetur aðra vinnustaði hér á landi til að gera slíkt hið sama. Dagana 7.-11. október verður sérstök áhersla lögð á geðheilbrigði vinnustaðarins með fyrirlestrum og fræðslu.
Ráðstefna um geðheilbrigði á vinnustað
Ráðstefnan fer fram 10. október í höfuðstöðvum Advania í Guðrúnartúni 10 frá 9 til 10:30. Húsið opnar kl. 8:30.
Fyrirlesarar á ráðstefnunni verða:
- Ketill Berg Magnússon, Mannauðsstjóri Marel í N-Evrópu
- Sigrún Ósk Jakobsdóttir, Mannauðsstjóri Advania
- Sindri Már Hannesson, Markaðsstjóri Tixly
- Sigurbjörg Sigurpálsdóttir og Sóley Kristjándóttir, stuðnings- og ráðgjafateymi Reykjavíkurborgar
- Helena Jónsdóttir, Stofnandi Mental
Fundarstjóri er Ásdís Eir Símonardóttir. Að loknum snörpum erindum fyrirlesara er gert ráð fyrir pallborðsumræðum og tekið verður við spurningum úr sal.
Um átakið
Mental ráðgjöf heldur upp á Alþjóðlegan dag geðheilbrigðis 10. október sérstaklega hátíðlega í ár í samstarfi við Advania, Visku – stéttarfélag, Reykjavíkurborg, Tixly – tix.is, Tryggingastofnun og Mannauð – félag mannauðsfólks á Íslandi. Þessi ráðstefna er hluti af vitundarvakningu 7.-11. september um geðheilbrigði á vinnustöðum þar sem ætlunin er að vekja svo um munar máls á mikilvægi þess að vinnustaðir hlúi að andlegri heilsu starfsfólks og stuðli að geðheilbrigðu vinnuumhverfi.