Á veffundinum verður farið yfir helstu eiginleika lausnarinnar, hvernig hún getur einfaldað bókunarferli og stutt við betri yfirsýn og rekstur fyrirtækja.

Liva er bókunarlausn sem var þróuð af Advania til að mæta þörfum fyrirtækja í ferðaþjónustu. Um er að ræða skýjalausn sem er einföld í uppsetningu og skalast auðveldlega með viðbótum innan kerfisins.

Kristján Aðalsteinsson viðskiptaráðgjafi hjá hugbúnaðarlausnum Advania ætlar að setjast niður með Jóni Heiðari Sigmundssyni, hugbúnaðarsérfræðingi hjá Advania og fara yfir notkun og innleiðingu á bókunarlausninni.

Á morgunverðarfundinum Tækni og straumar í ferðaþjónustu í síðasta mánuði kynntum við þróunina á Liva en nú ætlum við að kafa enn dýpra. Veffundurinn hentar bæði núverandi og framtíðar notendum Liva sem vilja fá betri innsýn í möguleikana sem lausnin býður upp á.

Betri yfirsýn

Í Liva heldur þú utan um öll aðföng eins og starfsfólk, búnað og tæki sem þarf til að veita þjónustuna þína. Einnig hefur kerfið góðar samþættingar við bókhaldskerfi og tengingar við SMS þjónustur og önnur markaðstól.

Fyrirsjáanlegur kostnaður

Notendur Liva hafa meiri fyrirsjáanleika í rekstrarkostnaði þar sem boðið er upp á fastar áskriftir og engin prósenta er tekin af bókunartekjum. Auðvelt er að breyta áskriftum eftir þörfum, Liva vex því með þér.

Þægilegar áskriftaleiðir

Veldu þá leið sem hentar þínum rekstri alveg sama hvort þú sért komin langt eða stutt í þinum rekstri. Alltaf er hægt að bæta við tengingum óháð áskrift.

Þróað með ferðaþjónustunni

Ágúst Elvarsson rekstrarstjóri hjá Jökulsárlóni ehf hefur tekið þátt í þróuninni með okkur frá upphafi. Með því að taka Liva í notkun getur hann skipt út tveimur, ef ekki þremur, mun flóknari og þyngri kerfum. Hér fyrir neðan má heyra reynslu Ágústs af Liva.