Advania á Íslandi var á meðal þeirra útvöldu samstarfsaðila NVIDIA sem fengu að halda svokallaða áhorfsveislu, þar sem sýnt var beint frá opnunarræðunni. Fulltrúar frá NVIDIA opnuðu viðburðinn, sem fram fór í höfuðstöðvum Advania í Guðrúnartúni.

NVIDIA GTC er árlegur viðburður þar sem yfir 30.000 gestir koma saman og enn fleiri fylgjast með um allan heim í gegnum vefinn. Ráðstefnan fer fram í San Jose og Advania á Íslandi sendi auðvitað fulltrúa á staðinn.  Uppselt var á ráðstefnuna en þó að opnunarræða forstjórans sé alltaf ákveðinn hápunktur þá geta gestir valið úr hundruðum fyrirlestra og sýninga á þessum fimm daga viðburði.

Advania á Íslandi varð fyrr á þessu ári Elite Partner hjá NVIDIA, sem er hæsti mögulegi flokkur samstarfsaðila fyrirtækisins. Þetta markaði tímamót í samstarfi fyrirtækjanna og opnar einnig á frekari möguleika.

Áhugafólk um gervigreind og þróun fjölmennti á viðburðinn í dag og fylgdist hópurinn hér á Íslandi spenntur með ræðu forstjórans, sem var rúmlega tvær klukkustundir.

„Viðburðurinn í dag setur klárlega tóninn fyrir það sem koma skal. Það er mikilvægt að fyrirtæki fari af stað í gervigreindarvegferðinni og fyrsta skrefið þarf ekki endilega að vera stórt. Með margþættum lausnum gerir NVIDIA fyrirtækjum og stofnunum kleift að takast á við gervigreindaráskoranir sínar. Advania er til staðar til að aðstoða fyrirtæki á þessari vegferð í samstarfi við NVIDIA,“ segir Auður Inga Einarsdóttir framkvæmdastjóri innviðalausna Advania.

Helstu nýjungar sem komu fram á opnunarviðburðinum eru:

• Blackwell er í fullri framleiðslu – Tæknin er mikilvægur vendipunktur í tölvutækni, með verulegum vexti í notkun GPU.
• Blackwell NVL72 og Dynamo 40X fyrir lausnir Inference – 10x aukinn árangur með Blackwell arkitektúrnum.
• Vera Rubin NVIDIA Photonics fyrir gervigreindarský var kynnt. Lausnin býr til innviði fyrir gervigreindarvinnslu í skýinu. Hún mun stækka árlega til að tryggja uppbyggingu á heimsvísu.
• Nýir gervigreindarinnviðir fyrir gagnaver voru ræddir. Þeir miða á þennan 500 billjón dollara markaðinn með nýjum tölvu-, net-, geymslu- og hugbúnaðarlausnum.
• Við sáum gervigreindarinnviði fyrir vélmenni – Áhersla á iðnaðar- og vélmenna gervigreind. Vélmennið Newton steig á svið og heillaði alla upp úr skónum.

Þessar framfarir setja NVIDIA í fremstu röð í gervigreindardrifinni tölvutækni fyrir allar atvinnugreinar.

Ofurtölvukerfið Digits fékk formlega nafnið DGX Spark og upplýst var í dag að Dell mun framleiða tölvur með kerfinu innbyggðu. Það styttist í upplýsingar um verð og afhendingu. Ef þú vilt fá fyrstu fréttir beint í pósthólfið þá er skráning hafin á sérstakan Advania póstlista.