Verkada er í skýinu og í skýjunum eftir frábæra Haustráðstefnu
Sigurgeir Þorbjarnarson
Vörustjóri funda- og samskiptalausna
Haustráðstefnu Advania er lokið og við sitjum eftir með bros á vör. Hliðarviðburðurinn okkar með Verkada, „Blurring Faces, Not the Rules“ eða „Andlit í móðu en ekki reglurnar“, var vel sóttur, umræðurnar líflegar og viðtökurnar frábærar. Takk til allra sem mættu, kíktu á básinn og tóku þátt í spjallinu. Fyrir þau sem misstu af deginum (eða vilja rifja hann upp) tókum við saman það helsta.
Persónuvernd og öryggi þurfa ekki að stangast á
Rauði þráðurinn í hliðarviðburðinum var einfaldur en mikilvægur: öflugt öryggi og ströng persónuvernd fara fullkomlega saman þegar rétt er haldið á spilunum.
Við rifjuðum upp að persónuvernd á Íslandi byggir á lögum nr. 90/2018 um persónuvernd og vinnslu persónuupplýsinga, sem innleiða GDPR í íslenskan rétt í gegnum EES-samninginn. Svo fórum við yfir hvernig Verkada mætir þessum kröfum í reynd, meðal annars með dulkóðun alla leiðina: efnið er dulkóðað á myndavélinni sjálfri (AES-128), í flutningi (TLS 1.2) og í skýinu hjá AWS í Evrópu (AES-256). Viðskiptavinir geta jafnvel notað eigin dulkóðunarlykla með ECE.
Og til að tryggja að þetta séu ekki bara orð styðst Verkada við viðurkenndar vottanir: SOC 2 Type 2 og ISO 27001, 27017, 27018 og 27701, ásamt reglulegum öryggisprófunum.
Persónuverndartólin sýnd í beinni
Það sem vakti mesta athygli var hversu áþreifanleg tólin eru. Í stað glæra sýndum við hvernig þetta lítur út í kerfinu sjálfu:
andlitshjúpun bæði á upptökum og í rauntíma á vöktunarstöðvum, persónuverndarsvæði sem hylja tiltekna hluta myndar, stýring á því hvar gögn eru geymd og í hvaða lögsögu þau falla, og opinberar upplýsingar um vöktun með QR-kóða við innganga. Allt saman tól sem rekstraraðilar geta virkjað strax í dag.
Á stóra sviðinu: AI Out of the Machine
Á aðaldagskránni hélt Jon Farkas, Field CTO hjá Verkada, erindið „AI Out of the Machine“ og salurinn var með á nótunum. Erindið skar í gegnum hávaðann í kringum gervigreind og spurði einföldu spurningarinnar sem skiptir máli: er tæknin raunverulega að skila árangri, eða bara að komast í fréttirnar? Einnig fór hann yfir það hvernig gervigreindin er að nýtast í raunöryggisheiminum (e. Physical Security).
.jpg)
Básinn: þar sem kerfið varð áþreifanlegt
Fjölmargir litu við á Verkada-básnum og fengu að sjá kerfið með eigin augum. Þar gátu gestir skoðað lausnina, prófað gervigreindarleitina og rætt sérlausnir fyrir sitt fyrirtæki.
Sérstaka athygli vakti Verkada Helix samþætting Advania við LS Retail og Business Central: hægt er að tengja myndefni beint við færslur, leita að vörum sem hafa verið skannaðar og láta tímastimpil opna myndefnið sjálfkrafa. Þetta er nákvæmlega sú tegund sérlausna sem verður til þegar öflug vara mætir djúpri þekkingu á íslenskum markaði.
Af hverju Verkada með Advania?
Advania er Platinum-samstarfsaðili Verkada, og ástæðan er einföld: lausnin er frábær, hún er skýjadrifin (án NVR-upptökutækja eða netþjóna), hún fær yfir 100 nýja eiginleika á hverju ári og hún vex með þér, þú getur byrjað smátt með einni myndavél og bætt við dyrasímum, aðgangsstýringu, skynjurum og fleiru þegar þér hentar.
Bætið við þekkingu Advania á skýjalausnum, þjónustudeild, þjónustusamningum og reynslu af retail og vettvangsþjónustu, og þá er komin heildarlausn sem heldur utan um öryggi fyrirtækisins frá A til Ö.
Langar þig að sjá meira?
Við erum alltaf tilbúin að setjast niður með viðskiptavinum í fund og þarfagreiningu, og bjóðum upp á 30 daga fría prufu sé þess óskað. Hafðu samband við okkur hjá Advania, þá finnum við út hvernig Verkada getur unnið fyrir þig.
Takk aftur fyrir frábæra ráðstefnu, við hlökkum til að halda áfram með öllum þeim sem vilja kynna sér kerfið betur.