Inna er skólastjórnunarkerfi. Nýjasta viðbótin við Innu er vefviðmót sem hentar notendum snjallsíma og spjaldtölva.

Inna er skólastjórnunarkerfi sem notað er til að stýra námsframboði í skólum, nemendaskrá, umsóknarferli, viðveru, skipulagningu náms og stundatöflugerð. Meðal notenda kerfisins eru nemendur, foreldrar, námsráðgjafar, kennarar og skólastjórnendur. Notendur kerfisins í dag eru um 3.000 starfsmenn skóla, um 28.000 nemendur og um 17.000 forráðamenn.

Nýjasta viðbótin við Innu er vefviðmót sem hentar notendum snjallsíma og spjaldtölva. Með snjallsímavef Innu er komið til móts við allan þann fjölda sem í dag notar snjalltæki í daglegum störfum. Með snjallsímavefnum er auðvelt og fljótlegt að nálgast og nota helstu aðgerðir Innu hvar og hvenær sem er. 

Viðmót fyrir nemendur

Nemendur geta skoðað stundatöflu og skilaboð frá kennara, tilkynningar frá skóla eins og til dæmis veikindatilkynningar kennara og lista yfir bækur sem kenndar eru í áfanga sem nemandi er skráður í. Nemandi getur skoðað upplýsingar um sjálfan sig og breytt þeim. Í stundatöflu nemanda eru birtar upplýsingar um tíma, kennara, stofu og skilaboð frá kennara.

Viðmót fyrir kennara

Kennari getur skoðað stundatöflu, tilkynningar frá skóla og upplýsingar um sína hópa og umsjónarnemendur. Einnig getur hann skráð viðveru hóps, sent tilkynningu á nemanda eða hóp, hringt í nemanda og sett inn skilaboð fyrir kennslustund. Í stundatöflu kennara eru birtar upplýsingar um tíma, hóp, stofu og skilaboð. 

Kennari getur skráð viðveru á hóp úr stundatöflu og skoðað nemendur hópsins. Kennari getur skoðað grunnupplýsingar um nemandann, sent á hann póst ef netfang er skráð og hringt í hann ef sími er skráður. Kennari getur sett inn skilaboð á tíma sem birt eru hjá nemendum þegar hann skoðar tímann í stundatöflunni sinni. 

Hafa samband
Ef þú hefur áhuga á því að fá að vita meira um snjallsímavef Innu smelltu þá tölvupósti á snillingana í Innu hópnum. Þau vita allt um þessi mál og hefðu bara gaman að því að fá póst frá þér.