Mannauðsdagurinn 2026 í Hörpu var einstaklega vel heppnaður. Mynd/Hörður Sveinsson

Fréttir - 3. október 2026

Forysta er liðsíþrótt og mannauðsgögn „sökka“

Sylvía Rut Sigfúsdóttir
samskiptastjóri Advania

Mannauðsdagurinn fór fram í Hörpu föstudaginn 2. október og Advania var einn af stærstu samstarfsaðilum ráðstefnunnar eins og síðustu ár. Mannauðsdagurinn er orðinn einn stærsti vettvangur stjórnunar og mannauðsmála hér á landi, þar sem mannauðsfólk, stjórnendur og ráðgjafar úr öllu atvinnulífinu koma saman.

Teamtailor og Vera kynnt gestum

Mannauðslausnir Advania tóku á móti gestum á eigin bás í Hörpuhorni og einnig á sérstökum Teamtailor bás í Norðurljósasal, þar sem nýja ráðningarkerfið var kynnt fyrir íslensku atvinnulífi.

Mynd/Hörður Sveinsson

Mynd/Hörður Sveinsson

Sérfræðingar frá Teamtailor komu til landsins og svöruðu spurningum gesta ásamt sérfræðingum Mannauðslausna. Á básunum gátu gestir kynnt sér allar lausnir Mannauðslausna og einnig Veru, nýja kynslóð viðverukerfa sem lítur dagsins ljós um áramótin. Hundruð gesta heimsóttu básana yfir daginn og fengu sér góðan kaffibolla með mannauðssérfræðingum Advania.

Kasper Lehm og Alexandros Papadopoulos frá Teamtailor. Mynd/Hörður Sveinsson

Kasper Lehm og Alexandros Papadopoulos frá Teamtailor. Mynd/Hörður Sveinsson

Mannauðsgögn án glansmynda

„Hæ, ég heiti Lotta og ég þoli ekki mannauðsgögn.,“  Þannig hóf Anna Lotta Michaelsdóttir, mannauðssérfræðingur hjá Advania, erindi sitt Mannauðsgagnamartröðin... og fyrstu skrefin út úr henni. Boðskapurinn var þó ekki að gefast upp á gögnunum, heldur þvert á móti.

„Þó þau séu ekki í uppáhaldi, þá eru þau lykillinn okkar að því að gera okkur skiljanleg inn í æðstu stjórn,“ sagði hún. Vel unnin gögn sýna mannauðsfólki hvort aðgerðir skila árangri, hvort sem það er lægra veikindahlutfall eða meiri ánægja starfsfólks.

Anna Lotta er menntuð í eðlisfræði og vinnusálfræði og bætti við sig námi í gagnavísindum til að komast að því hvers vegna mannauðsgögn reynast svona erfið. Hún benti á þrjár ástæður. Gögnin verða til í mannlegum og óskýrum ferlum, ekki þegar tvö kerfi tala saman. Mannauðsfólk hefur valið starfið af áhuga á fólki frekar en gögnum. Sú þriðja er að kerfin sem notuð eru tala sjaldnast vel saman, svo endirinn verður oft að tjasla saman Excel skrám seint á fimmtudagskvöldi.

Mynd/Hörður Sveinsson

Mynd/Hörður Sveinsson

Enginn heilagur sannleikur

Góðu fréttirnar, að hennar sögn, eru að enginn þarf að fara í gagnavísindanám til að laga þetta. Vinnan er tímafrek, en langt frá því að vera óyfirstíganleg. Hún kynnti þrjú grunnhugtök úr gagnastjórnun sem bera fólk langt. Eignarhald, þar sem ein manneskja ber ábyrgð á hverjum mælikvarða. Skilgreiningu, þar sem forsendurnar eru ákveðnar, til dæmis hvort sumarstarfsfólk og verktakar teljist til starfsmanna. Að lokum skjölun, þar sem skilgreiningin og ferlið eru skráð á stað sem allir hafa aðgang að.

Hún tók dæmi af því að reikna hlutfall starfsfólks sem fékk formlegt starfsmannasamtal. Ef aðeins voru talin samtöl merkt sem lokið var hlutfallið 13%, en 97% ef samtöl í vinnslu voru tekin með, og hvorug talan var rétt. Lausnin er ekki að finna hina einu réttu skilgreiningu, heldur að ákveða hvað telst gilt, skrá það og gera eins í hvert sinn. Þá verða tölurnar samanburðarhæfar.

„Það er ekki til heilagur sannleikur í tölfræði, en ef þú ert skýr með hvaða forsendur liggja fyrir tölunni þinni, skráir það og beitir alltaf eins, þá kemstu nógu nálægt sannleikanum,“ sagði Anna Lotta.

Hún hafði lofað gestum engum gervigreindartrixum, en benti þó á í lokin að sá sem klárar þessi skref er um leið fullkomlega tilbúinn að láta gervigreind halda utan um tölurnar á gegnsæjan hátt.

Mynd/Hörður Sveinsson

Mynd/Hörður Sveinsson

Forysta er liðsíþrótt

Ægir Þórisson, framkvæmdastjóri mannauðsmála (e. Chief People Officer) hjá Advania samstæðunni, tók þátt í pallborðsumræðum um stöðu mannauðsstjóra í skipuriti fyrirtækja. Með honum á sviði voru Magnús Óli Ólafsson, forstjóri Innnes, Ásta Bjarnadóttir, skrifstofustjóri starfsþróunar og starfsumhverfis hjá Reykjavíkurborg, og Edda Hermannsdóttir, forstjóri Apótekarans. John Mark Williams, forstjóri The Institute of Leadership, stýrði umræðunum.

Mynd/Hörður Sveinsson

Mynd/Hörður Sveinsson

Ægir hvatti mannauðsstjóra sem taka sæti í framkvæmdastjórn til að líta ekki á sig sem fulltrúa eins fagsviðs, heldur sem þátttakendur í rekstri fyrirtækisins í heild.

„Líttu á forystu sem liðsíþrótt. Að sitja í framkvæmdastjórn snýst ekki um að ólík fagsvið komi saman, deili upplýsingum og festist hvert í sinni sérþekkingu,“ sagði Ægir.

„Taktu líka virkan þátt í hinum umræðunum. Þú ert hluti af teymi sem rekur fyrirtæki, svo líttu á hlutverk þitt sem þátttöku í rekstrinum en ekki bara baráttu fyrir málefnum mannauðssviðsins.“

Mynd/Hörður Sveinsson

Mynd/Hörður Sveinsson

Tengslamyndun í boði Advania

Ráðstefnunni lauk með kokteilboði í boði Advania, þar sem gestir nutu léttra veitinga og héldu samtölum dagsins áfram.

„Mannauðsdagurinn er einn mikilvægasti dagur ársins hjá okkur. Það var frábært að hitta svona marga viðskiptavini og samstarfsaðila og fá loksins að sýna Teamtailor. Við þökkum öllum sem komu við á básunum okkar og hlökkum til að fylgja samtölunum eftir,“ segir Díana Björk Olsen, forstöðumaður Mannauðslausna Advania.

Mynd/Hörður Sveinsson

Mynd/Hörður Sveinsson

Fleiri fréttir

Fréttir
14.05.2024
Advania heldur úti hlaðvarpi í beinni útsendingu frá Nýsköpunarvikunni 2024, Iceland Innovation Week, í Kolaportinu miðvikudaginn 15. maí. Sýnt verður frá útsendingunni hér á vef Advania og á fréttavefnum Vísi frá 9:30 til 16:00.
Blogg
10.05.2024
Advania hefur um árabil verið ráðgefandi söluaðili á skjáum í öllum stærðum og gerðum hvort sem það er á skrifborðið, fundarherbergið eða í kennslustofuna.
Myndbönd, businesscentral.advania.is
23.04.2024
Fjölmennt var í höfuðstöðvum Advania í Guðrúnartúni á morgunverðarfundinum Nýjungar í Business Central. Einnig var sýnt var frá viðburðinum á starfsstöð okkar á Akureyri í gegnum streymi. Upptakan frá fundinum er nú aðgengileg hér á vefnum okkar.
Viðburðir
23.04.2024
Þann 6. maí næstkomandi heldur Advania námskeiðið Microsoft Copilot fyrir byrjendur. Um er að ræða fjarnámskeið og leiðbeinandi þess er Þóra Regína Þórarinsdóttir, sérfræðingur í gagnagreiningum. Námskeiðið spannar þrjár klukkustundir.
Blogg
19.04.2024
Það hefur vart farið fram hjá neinum sú umfjöllun um gervigreind og áhrifin sem hún mun hafa á atvinnulíf og samfélag. Fjölmörg fyrirtæki keppast nú um að fá sem mest úr gervigreind með því að þróa nýjar tæknilausnir en einnig betrumbæta lausnir sem eru nú þegar til og víða notaðar. Þetta á ekki síst við viðskiptatengslakerfi eða CRM kerfi.
Fréttir
18.04.2024
Áhugaverður morgunverðarfundur fór fram í höfuðstöðvum Advania og á starfstöðinni Akureyri þar sem rætt var um Z-kynslóðina á vinnumarkaði. Á fundinum Zérfræðingar framtíðarinnar - er þinn vinnustaður tilbúinn? var fjallað um þær áskoranir sem fylgja fyrir vinnustaði.
Blogg
15.04.2024
Öll sem sinna launavinnslu vilja auka skilvirkni við að borga rétt laun með öflugum vinnslum, sveigjanlegri skýrslugerð og greiningum. Með því spara notendur tíma.  Markmið allra er að greiða rétt laun og á réttum tíma. Í þessu bloggi fer Berglind Lovísa Sveinsdóttir, vörustjóri H3, yfir leiðir sem spara tíma og vinnu fyrir notendur með vinnslum greiningum og villuprófunum sem er hægt að nýta sér.
Myndbönd
10.04.2024
Sjáðu upptökuna: Fimmtudaginn 11. apríl fór fram veffundurinn Náðu forskoti með eyu, spunagreind Advania.  Sylvía Rut Sigfúsdóttir samskipta- og kynningarstjóri Advania ræddi við Högna Hallgrímsson forstöðumann viðskiptalausna og Viðar Pétur Styrkársson vörustjóra hugbúnaðarlausna um eyu, nýja gervigreindarlausn Advania.
Blogg
09.04.2024
Mikið hefur verið rætt um bláa geisla í skjáum og óþægindin sem þeim kunna að fylgja. En er þetta eitthvað sem við þurfum að spá í?
Blogg
08.04.2024
Í hröðu stafrænu landslagi nútímans treysta fyrirtæki að miklu leyti á upplýsingatækni innviði til þess að halda sinni starfsemi gangandi, til þess að vaxa og vera samkeppnishæf.
businesscentral.advania.is, Blogg
19.03.2024
Vissir þú að með Business Central fylgir innbyggð tenging við Shopify vefverslunarkerfi? Vissir þú að Shopify býður upp á einfalt afgreiðslukerfi fyrir verslanir?
Blogg
14.03.2024
Dönsku tæknifyrirtækin Airtame og Jabra hafa blásið til samstarfs í vöruframboði. Í krafti þess býður Advania nú upp á frábært tilboð á pakka fyrir fundarherbergi.
Viltu vita meira?

Tölum saman

Viltu vita meira? Sendu okkur fyrirspurn.