Hin nýja Dell Latitude 7350
Blogg - 4. mars 2024Þar sem greind og gervigreind mætast
Bragi Gunnlaugsson
Sérfræðingur, innviðalausnum Advania
Gervigreind er fljótt að bylta því hvernig við vinnum. Þetta veit okkar fólk hjá Dell og er undir það búið.
Í hartnær þrjátíu ár hefur Dell Latitude verið stoð og stytta í daglegu lífi margra fyrirtækja. Línan hefur alltaf verið hönnuð með vinnustaðinn í huga og aðlagar sig stöðugt að breyttum tímum. Núna er tími fyrir Latitude að taka skrefið inn í gervigreindina.
Nýir möguleikar með Intel Ultra örgjörvum
Það hefur trúlega ekki farið framhjá neinum að gervigreind er að umbylta flestu í upplýsingatækni. Vinnutölvur eru þarna engin undantekning og hefur nú nýtt hugtak litið dagsins ljós: AI PC. Þessar tegundir tölva nýta krafta nýrra tegunda flaga frá Intel: Intel Core Ultra með vPro. Þessar flögur búa yfir
- Örgjörva (CPU),
- Skjástýringu (GPU),
- Vél sem vinnur með tauganet (NPU)
- Og síðast ekki en síst: gervigreindarvél (xPU)
Með því að byggja gervigreindarvirkni beint á flöguna, er ekki bara hægt að létta álaginu af öðrum hlutum kerfisins, heldur opna á ótal nýja möguleika í vinnu.
Nýir möguleikar með krafti gervigreindar
Nú þegar eru vinnustaðir farnir að nota gervigreindarvél í tölvum til ýmissa flókinna verka. Gott dæmi er til að þýða í rauntíma á milli tungumála og jafnvel á táknmál á veffundum. Í framtíðinni verða fleiri hundruð forrit og lausnir sniðnar til að nýta gervigreindina til ýmissa verkefna, en til að byrja með er hún einna mest í að vinna núverandi verkefni á skilvirkari og fljótari hátt. Litlir en orkufrekir hlutir eins og að birta bakgrunn í myndsímtali, og vinnsla á myndum sem og grafík, eru kjörin verkefni fyrir gervigreindina. Sem um leið léttir á skjástýringunni og sparar umstalverða orku. Sem skilar sér vitaskuld í aukinni rafhlöðuendingu.
Annað gott dæmi er greining og forvarnir þegar kemur að villum og bilunum. Gervigreind getur lagað og jafnvel séð fyrir bilanir, án þess að mannshöndin þurfi að koma nærri. Þetta eykur ekki bara áreiðanleika og uppitíma véla, heldur einfaldar alla umsjón.
Nýjar Latitude
Dell er nú það fyrirtæki sem býður upp á breiðasta úrval tölva sem nýta gervigreind. Nýjar tölvur eru á leiðinni í öllum vörulínum sem munu bjóða upp á þessa nýja tækni - Latitude er vitaskuld þar á meðal.
5000 línan heldur áfram að vera traustasti þjónninn fyrir fyrirtæki af öllum stærðum. Þó þessar vélar breytist lítið í útliti, koma margar tegundir einnig með nýju Ultra örgjörvunum. Þetta er því prýðileg og hagkvæm leið til að komast inn í heim gervigreindar í PC vélum.